Praniti Shinde on CM : निवडणूक अयोगावर खासदार प्रणिती शिंदे यांनी गंभीर आरोप करत देवेंद्र फडणवीस हे ईव्हीएमचे सीएम असून ते जबरदस्तीने थोपवलेले मुख्यमंत्री म्हणत त्यांनी टीका केली आहे.
स्वायत्त संस्था असूनही दबाव तंत्राचा वापर – प्रणिती शिंदे
सोलापूर लोकसभेच्या खासदार प्रणिती शिंदे यांनी शनिवारी सायंकाळी राष्ट्रीय मतदारदिना निमित्त काँग्रेस भवन येथे पत्रकार परिषद घेतली. केंद्रीय निवडणूक आयोग हे भाजपच्या कार्यकर्त्यांप्रमाणे कामकाज करत आहेत. केंद्रीय निवडणूक आयोग ही स्वायत्त संस्था आहे, तरीही या संस्थेवर भयंकर अशा दबाव तंत्राचा वापर केला जात आहे, असं खासदार प्रणिती शिंदे म्हणाल्या.
पुण्यात गुइलेन बॅरे सिंड्रोमनंतर न्यूमोनिया झाल्याने महिलेचा मृत्यू, रुग्णालयाचा दावा; डॉक्टरांनी सांगितलं कारण
पाच वर्षांत पाच लाख मतदार वाढले होते; चार महिन्यात ७५ लाख
खासदार प्रणिती शिंदे पुढे बोलताना म्हणाल्या, वाढलेल्या मतदार संख्येच्या आकडेवारीवर शंका उपस्थित केली आहे. २०१९ ते २०२४ दरम्यान मिळालेल्या आकडेवारीनुसार जवळपास ५ लाख मतदार संख्या वाढली होती. लोकसभा निवडणूक २०२४ ते विधानसभा निवडणूक २०२४ दरम्यान ७५ लाख मतदार संख्या कशी काय वाढली? असा प्रश्न प्रणिती शिंदें यांनी उपस्थित केला आहे. जोपर्यंत बॅलेट पेपरवर मतदान होत नाही, तोपर्यंत आमचा विश्वास बसणार नाही, असंही त्या म्हणाल्या.
जबरदस्तीने थोपलेले मुख्यमंत्री म्हणजे देवेंद्र फडणवीस
मनोज जरांगे पाटील हे मराठा आरक्षणासाठी पुन्हा एकदा उपोषणाला बसले आहेत. महायुती सरकार मराठा समाजाला ओबीसी कोट्यातून आरक्षण देतील का असा प्रश्न विचारताच त्यावर प्रणिती शिंदेंनी उत्तर दिले आहे. देवेंद्र फडणवीस हे ईव्हीएमचे सीएम आहेत. जबरदस्तीने थोपलेले मुख्यमंत्री आहेत, त्यांच्याकडून काय अपेक्षा ठेवायची, असे मार्मिक उत्तर प्रणिती शिंदेंनी ओबीसींच्या प्रश्नावर दिले आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा