लोकसभा आणि विधानसभा निवडणुकीची प्रक्रिया पार पडल्यानंतर आता सर्व राजकीय पक्षांना महापालिका आणि जिल्हा परिषद या स्थानिक स्वराज्य संस्थांच्या निवडणुकांचे वेध लागले आहेत. एप्रिल-मे महिन्यात या निवडणुका होण्याची शक्यता असून, राजकीय पक्षांनी आतापासूनच कंबर कसण्यास सुरुवात केली आहे. याच पार्श्वभूमीवर मनसेप्रमुख राज ठाकरे दोन दिवस नाशिक दौऱ्यावर आले होते.

संघटन मजबूत करून समन्वयाने काम करा

यादरम्यान त्यांनी पक्ष पदाधिकारी आणि कार्यकर्त्यांशी संवाद साधला. निवडणुकांना सामोरे जाण्यासाठी तयारीला लागा. निवडणुका जिंकायच्या असतील, तर संघटन मजबूत करून समन्वयाने काम करावे लागेल, अशा सूचना यावेळी करण्यात आल्या. शहर आणि जिल्हा पातळीवरील संघटनेची पुनर्रचना करण्याचे संकेत बैठकीत देण्यात आले.

जुन्या कार्यकर्त्यांच्या निष्क्रियतेबद्दल चिंता

पक्षाच्या पदाधिकाऱ्यांमधील समन्वयाचा अभाव आणि जुन्या कार्यकर्त्यांच्या निष्क्रियतेबद्दल राज यांनी चिंता व्यक्त केली. सर्व जुन्या कार्यकर्त्यांना आणि पदाधिकाऱ्यांना पक्षात सक्रिय करण्याचे निर्देश राज ठाकरे यांनी दिले.
Ajit Pawar : शेतकरी कर्जमाफीवरुन महायुतीत मतभेद? ‘लाडक्या बहिणीं’चाही भार, अजितदादांच्या विरोधाची चर्चा

मनसेच्या काळातील विकासकामं लोकांना सांगा

शहरात पक्षाचा पाया मजबूत करण्यासाठी विविध उपक्रम राबविण्याच्या सूचनाही यावेळी करण्यात आल्या. मनसेच्या काळात झालेल्या विविध विकासकामांची माहिती लोकांपर्यंत पोहोचवा असेही ते म्हणाले. गुरुवारी दुपारी शहरात आलेले राज ठाकरे शुक्रवारी दुपारी मुंबईला रवाना झाले. ३० जानेवारी रोजी मुंबईत बैठक होणार असून, पक्ष पदाधिकाऱ्यांनी उपस्थित राहण्याचे निर्देश त्यांनी दिले.
Uddhav Thackeray : बांदेकरांचा बुक्का, ठाकरेंना धक्का; उदय सामंतांचा दावा खरा ठरला, पहिला नेता फुटला

ठाकरेंचा ‘एकला चलो रे’चा संकेत

दुसरीकडे, शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांनीही पक्षाच्या मेळाव्यात स्थानिक स्वराज्य संस्थांच्या निवडणुका स्वबळावर लढण्याचे संकेत दिले. कार्यकर्त्यांच्या इच्छेप्रमाणे निर्णय होईल, असं म्हणत तुम्हाला लढायचं असेल तर कार्यकर्त्यांच्या इच्छेनुसार निर्णय घेऊ, अशा शब्दांत ठाकरेंनी अंधेरीतील मेळाव्यात ‘एकला चलो रे’चे संकेत दिले. त्यानंतर काल त्यांनी शिवसेना भवनात जिल्हाप्रमुख, संपर्कप्रमुखांची बैठक बोलावत पदाधिकाऱ्यांना मार्गदर्शन केले.