पंट्रोल पंपावर गावगुंडांचा हल्ला

नागपूरच्या माटे चौक येथील विशाल पेट्रोलियम या पेट्रोल पंपावर संध्याकाळी साडेचारच्या सुमारास मद्यधुंद अवस्थेत असलेल्या तीन ते चार दुचाकीवर बसून गावगुंडांची एक टोळी दाखल झाली. आधी दारूच्या नशेत या गावगुंडानी पेट्रोल भरणाऱ्या इतर वाहन चालकांना धडक दिली आणि त्यानंतर पेट्रोल पंपावरील कर्मचाऱ्यांशी वाद घालायला सुरवात केली. यानंतर त्यांनी पेट्रोल पंप कर्मचाऱ्यांना शिवीगाळ आणि मारहाण केली.
डंपरने अचानक वळण घेतलं आणि आक्रित घेतलं, परीक्षेवरुन येताना काळाचा घाला, तरुणाचा चिरडून मृत्यू

गुंडांनी धमक्या देत चाकूचा धाक दाखवला

एवढंच नाहीतर यावेळी काही गुंडांनी चाकूचा धाक दाखवत पंप कर्मचाऱ्यांच्या हातातील पेट्रोल पंपाचे पैसे लुटण्याचाही प्रयत्न केला. मात्र, तेथे उपस्थित असलेल्या अन्य वाहन चालकांनी आणि पंपावरील कर्मचाऱ्यांनी आरडाओरडा केल्यामुळे या गावगुंडांनी धमक्या देत घटनास्थळावरून पळ काढला. या संपूर्ण घटनेचे फोटो आणि व्हिडिओ पेट्रोल पंपावर लावण्यात आलेल्या सीसीटीव्ही कॅमेऱ्यात कैद झाले आहेत. गृहमंत्र्यांच्या, मुख्यमंत्र्यांच्याच नागपूरमध्ये दिवसा-ढवळ्या घडलेल्या अशा घटनेने कायदा, सुव्यवस्थेचा प्रश्न उपस्थित होत आहे.

भरदिवसा पंट्रोल पंपावरील घटनेने परिसरात भीतीचं वातावरण

घटनेची माहिती मिळताच पोलिसांनी पेट्रोल पंपावर पोहोचून परिस्थितीचा आढावा घेतला आणि अज्ञात चोरट्यांविरोधात तक्रार नोंदवली. पोलीस आता सीसीटीव्ही फुटेजच्या आधारे आरोपींचा शोध घेत आहेत. भरदिवसा घडलेल्या या घटनेमुळे परिसरात भीतीचे वातावरण आहे. भरदिवसा घडलेल्या या घटनेमुळे शहरातील सुरक्षा व्यवस्थेबाबत गंभीर प्रश्न उपस्थित झाले आहे.