ठिणगी कशामुळे निर्माण झाली ?
रेल्वेच्या वरिष्ठ अधिकाऱ्यांने सागिंतले की, त्यांना मिळालेल्या प्राथमिक माहितीनुसार,एका जनरल डब्ब्यात एक ठिणगी उडाली आणि धूर पसरला, असे अनेकदा होते . एक्सल गरम अथवा ब्रेक जाम झाल्यास ठिणगी उडू शकते. मात्र त्यानंतर आग लागल्याची अफवा पसरली आणि लोकांमध्ये भीतीचे वातावरण निर्माण झाले. प्रवाश्यांनी अलार्म चेन खेचत रेल्वे थाबंवली आणि त्यांनी ट्रॅकवर उड्या टाकल्या. त्यावेळीच त्या ट्रॅकवर कर्नाटक एक्सप्रेस आली आणि दुर्घटना घडली.

विशेष पोलिस महानिरीक्षक दत्तात्रेय कराळे यांनी माहिती दिली की, घटनास्थळावरुन १२ मृतदेह रुग्णालयात पाठवण्यात आले आहेत. ६ ते ७ जण जखमी आहेत. कोणीही गंभीर जखमी नसून त्यांच्यावर जवळच्या रुग्णालयात उपचार सुरू आहेत.

५ लाखांची आर्थिक मदत
मुख्यमंत्री देवेंद्र फडणवीस यांनी दुर्घटनेतील मृत्यूमुखी लोकांप्रती श्रध्दांजली अर्पण केली आणि त्यांच्या परिवारासाठी ५ लाख रुपयांची आर्थिक मदत जाहीर केली. राज्य सरकार जखमी प्रवाशांचा सर्व खर्च करणार असल्याचेही त्यांनी सांगितले.