आम्ही लखनौहून मंगळवारी सायंकाळी पुष्पक एक्स्प्रेसमध्ये मुंबईला जाण्यासाठी बसलो होतो. बुधवारी सायंकाळी पाच वाजता परधाडे गावाजवळ बोगीला आग लागल्याचा आरडाओरड सुरू झाली. त्यामुळे काही प्रवाशांनी रेल्वे थांबविण्यासाठी गाडीतील साखळी ओढली. आगीच्या गाडी थांबत असतानाच आगीच्या भीतीने दोन्हीकडील दारांनी अनेक प्रवासी उतरून पुढे पळू लागले. त्यावेळी उजवीकडच्या बाजूने उतरलेले प्रवासी पुढे पळत असतानाच त्यांना कर्नाटक एक्स्प्रेस येत असल्याची जाणीवच झाली नाही. आगीमुळे पुढे धावत असल्याने मागून येणारी गाडी त्यांच्या लक्षात आली नसल्याचे दीपेंद्रने सांगितले. त्यामुळे गाडीखाली ते चिरडले गेले. तर डाव्या बाजूच्या दाराने उतरलेले प्रवासी मात्र, बचावले. मात्र, मी गाडी थांबल्यावर उजवीकडून उतरायला लागलो.
मायलेकानं बापाला संपवलं, आधी टॉवेलने आवळला गळा, नंतर मृतदेह पोत्यात भरला अन्… नागपुरातील थरारक घटना
त्याचवेळी मागून येणारी गाडी दिसल्याने थांबल्याने बचावल्याचे त्याने सांगितले. आमच्या कुटुंबातील दहा जण प्रवास करीत होते. त्यातील आम्ही तीन जण रुग्णालयात आहोत. तर एक जण बेपत्ता आहे. व इतरांचा मृत्यू झाला असावा, अशी भीतीदेखील दीपेंद्र परिहार याने व्यक्त केली आहे. सुरुवातील माझा मुलगा व मीच बचावलो, कुटुंबातील इतर सर्व सदस्याचा मृत्यू झाला, म्हणून मला धक्का बसला. मात्र, त्यानंतर दोघे जण रुग्णालयात असल्याची माहिती मिळाल्याचे त्याने सांगितले. दरम्यान, एका प्रत्यक्षदर्शीने सांगितले की, परधाडेजवळ काही जणांनी साखळी ओढल्याने गाडी थांबविण्यासाठी ब्रेक लागले. त्यावेळी बोगीच्या चाकाखाली ठिणग्या उडल्याने रुळावरील एका कापडला आग लागली. त्याचा धूर पाहून काही जणांना वाटले बोगीला आग लागली.
नको त्या अवस्थेत तरुणासोबत हॉटेलमध्ये सापडली पत्नी; पतीला झोपेच्या गोळ्या देऊन व्हायची घरुन फरार, असे फुटले बिंग
हॉर्न न वाजविल्याचा आरोप
अपघातग्रस्त रेल्वेतून प्रवास करणाऱ्या प्रवाशाने सांगितले की, बोगीत आग लागल्याची अफवा पसरली होती. त्यानंतर काही जणांनी रेल्वेतून उड्या मारल्या. त्याचवेळी कर्नाटक एक्स्प्रेस समोरून येत होती. या एक्स्प्रेसने काही प्रवाशांना चिरडले. विशेष म्हणजे, समोरून येणाऱ्या कर्नाटक एक्स्प्रेसने रुळावर प्रवासी असताना हॉर्नही वाजवला नसल्याचा आरोप काही प्रत्यक्षदर्शींनी केला आहे.