अवादा कंपनीच्या मजुराचा मृत्यू

पंजाब राज्यातील हा कामगार केज तालुक्यातील मस्साजोग येथील अवादा एनर्जी या पवन ऊर्जा कंपनीत मजूर म्हणून काम करीत होता. त्याचे नाव रचपाल हमीद मसीह असून तो पंजाब राज्यातील गुरुदासपूर येथील रहिवासी आहे. केज शहरातील केज – अंबाजोगाई रोडवर असलेल्या बार समोर त्याचा मृतदेह रस्त्यावर पडलेल्या अवस्थेतआढळला. त्यावेळी त्याच्याजवळ आयकार्ड सापडले. त्यावरून हे स्पष्ट झाले की, तो अवादा कंपनीत कामाला होता.

सैफवर हल्ला करणाऱ्या आरोपीबद्दल धक्कादायक खुलासा, ओळख पटली, पोलिस उपायुक्तांनी दिली महत्त्वाची माहिती, ‘ती’ व्यक्ती…मृतदेह पीएम करण्यासाठी पाठवला

केज पोलिसांनी हा मृतदेह पीएम करण्यासाठी ताब्यात घेतला आहे. या प्रकरणाचा तपास केज पोलीस करत आहेत. रचपाल हमीद मसीह याचा मृत्यू नेमका कशाने झाला, हे पीएमनंतर स्पष्ट होईल. मात्र, या घटनेने मोठी खळबळ बघायला मिळतंय. हा घातपात तर नसावा ना? असा प्रश्न आता उपस्थित केला जात आहे. सरपंच संतोष देशमुख हत्या प्रकरणी मस्साजोगचे ग्रामस्थ हे चांगलेच आक्रमक झाल्याचे बघायला मिळाले.

मृतदेह सापडल्याने मोठी खळबळ

संतोष देशमुख यांच्या हत्येतील एक आरोपी फरार असून इतर आरोपींना पोलिसांनी ताब्यात घेतले असून कोर्टाने त्यांना कोठडी सुनावली आहे. धनंजय मुंडे यांचे निकटवर्तीय वाल्मिक कराडवर गंभीर आरोप करण्यात आली. सध्या त्याचा चाैकशी सुरू आहे. आमदार सुरेश धस आणि संदीप क्षीरसागर हे सातत्याने धनंजय मुंडे यांच्या राजीनाम्याची मागणी करताना दिसत आहेत. वाल्मिक कराड याचेही समर्थक आक्रमक झाले आहेत.