पक्षाचे संस्थापक सदस्य असलेले भुजबळ यांना नुकत्याच झालेल्या मंत्रिमंडळात स्थान मिळाले नाही. याविषयीची उघड नाराजी त्यांनी व्यक्त केली होती. मात्र, तरीही पक्षनेतृत्व असो की पक्षातील ज्येष्ठ नेत्यांनी त्यांची दखल घेतली नाही. यामुळे व्यथित झालेल्या भुजबळ यांनी मुख्यमंत्री देवेंद्र फडणवीस यांची भेट घेतली. फडणवीस यांनीही त्यांना काही काळ थांबण्याचा सल्ला दिला. मात्र, त्यानंतरही भुजबळ यांच्याशी पक्षातर्फे संपर्क साधण्यात आलेला नाही.
अकरा महिन्यांत राज्यात १२ हजार बालमृत्यू; नाशिक चौथ्या स्थानी, तर ‘या’ जिल्ह्यात सर्वाधिक घटना
भुजबळ यांनी मुंबई मॅरेथॉनच्या एका कार्यक्रमाला मंगळवारी दुपारी हजेरी लावली. दरम्यान, रात्री राष्ट्रवादी काँग्रेसचे राष्ट्रीय अध्यक्ष अजित पवार यांनी सर्व आमदार आणि इतर सदस्यांची बैठक घेतली. या बैठकीला भुजबळ उपस्थित नव्हते. पंतप्रधान नरेंद्र मोदी यांनी बुधवारी दुपारी महायुतीच्या आमदारांशी संवाद साधला. याही संवादाला भुजबळ गैरहजेर होते. मंत्री धनंजय मुंडे आणि नरहरी झिरवाळ परवानगी घेऊन या बैठकींना गैरहजर होते. मात्र, भुजबळ यांनी गैरहजेरीबाबत माहिती दिली नसल्याचे कळते. तटकरे यांनी मंगळवारी सायंकाळी भुजबळांशी फोनवरून चर्चा केली, तसेच शिबिरात सहभागी होण्याची विनंती केली. मात्र, त्याला भुजबळांनी प्रतिसाद दिला नसल्याचे कळते.
Nashik News: रात्री गॅलरीत गेला, कंबरेचा ब्लेट काढला अन्…, नववीच्या विद्यार्थ्याचा धक्कादायक निर्णय, काय घडलं असं?
पक्षाचे प्रदेशाध्यक्ष सुनील तटकरे यांना विचारले असता, भुजबळ मंगळवारी रात्रीच्या बैठकीला आले नसल्याचे त्यांनी मान्य केले. मात्र, बुधवारी सकाळी दिल्लीला आल्याने पंतप्रधानांशी झालेल्या संवादात ते हजर होते की नाही याविषयी माहिती नसल्याचे ते म्हणाले. भुजबळ यांची प्रतिक्रिया जाणून घेण्यासाठी त्यांच्याशी संपर्क साधण्याचा प्रयत्न केला असता तो होऊ शकला नाही.