Bird Flu in Thane : ठाण्यातील कोंबड्यांना बर्ड फ्लूची लागण झाल्याचं समोर आलं असून हा फैलाव मर्यादित असल्याचं सांगण्यात आलं आहे. तसंच नागरिकांनी घाबरून जाऊ नये असं आवाहन जिल्हा प्रशासनाकडून करण्यात आलं आहे.
कोंबड्या अचानक दगावल्या, चाचणीत बर्ड फ्ल्यू झाल्याचं निष्पन्न
ठाणे पूर्वेत बारा बंगला परिसरात शासकीय अधिकाऱ्यांची निवासस्थाने आहेत. या भागातील एका बंगल्यात ४० ते ५० कोंबड्या पाळल्या होत्या. त्यापैकी ५ ते ६ कोंबड्या दगावल्या. याची माहिती तातडीने पशू संवर्धन विभागाला देण्यात आली. त्यानंतर पशू संवर्धन विभागाने दगावलेल्या पक्ष्यांचे काही नमुने चाचणीसाठी पाठविले. याचा अहवाल मंगळवारी रात्री उशिरा मिळाला. यामध्ये कोंबड्यांना बर्ड फ्ल्यूची लागण झाल्याचे निदान झाले झाले.
उबर रिक्षात विसरले पैशांची पिशवी, सीसीटीव्ही तपासलं आणि…ठाण्यात पोलिसांमुळे कुटुंबाला ६० हजार परत मिळाले
फैलाव मर्यादित, इतरत्र कुठेही लागण नाही
जिल्हा पशू संवर्धन विभागाने खबरदारीचा उपाय म्हणून बारा बंगला परिसरातील २० कोंबड्या नष्ट केल्या असल्याची माहिती जिल्हा पशुसंवर्धन विभागाच्या अधिकाऱ्यांनी दिली. दरम्यान, हा फैलाव केवळ तेवढ्या एका भागापूरताच मर्यादित असून त्याचा इतरत्र कुठेही फैलाव झाला नसल्याचे पशू संवर्धन विभागाच्या अधिकाऱ्यांनी सांगितले.
ठाण्यातील कोंबड्याना बर्ड फ्ल्यूची लागण; नागरिकांनी घाबरुन जाऊ नये, प्रशासनाचं आवाहन
नागरिकांनी घाबरुन जाऊ नये, प्रशासनाचं आवाहन
बारा बंगला परिसात ४० ते ५० कोंबड्या पाळल्या होत्या. यातील काही कोंबड्यांची मागील आठवड्यापासून अचानक मरतुक सुरू झाली. यामुळे पक्ष्यांना कोणतीतरी बाधा झाली असल्याचं निदर्शनास आलं. त्यानंतर तात्काळ जिल्हा पशू संवर्धन विभागाशी संपर्क साधण्यात आला. पशू संवर्धन विभागाने मेलेल्या पक्ष्यांचे काही नमुने चाचणीसाठी पाठविले. त्यात कोंबड्यांना बर्ड फ्ल्यूची लागण झाल्याचं समोर आलं. मात्र नागरिकांना घाबरुन जाऊ नये, याचा फैलाव इतरत्र झाला नसून जिल्हा पशुसंवर्धन विभागामार्फत योग्य खबरदारी घेण्यात आली आहे, अशी माहिती जिल्हा प्रशासन अधिकाऱ्यांनी दिली आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा