संदीप क्षीरसागर म्हणाले, ‘१० ते १२ तास पोलिसांना गुन्हा नोंदवण्यापासून कोणी थांबवलं. वाल्मिक कराडची एवढी मोठी ताकद नाही, वरच्या माणसाची ताकद आहे. मूळ अडचण तपासामध्येच आहे.’ तर नवे पोलीस अधीक्षक नेमल्यानंतर इतर गुन्हेगारांना पोलिसी खाक्या दाखवल्यात पण वाल्मिक कराडला अजून खाकी दाखवलेली नाही, खाकी दाखवल्याशिवाय ते समोर देखील येणार नाही, असे म्हणत संदीप क्षीरसागर यांनी पोलिसांच्या कारवाईवर प्रश्न उपस्थित केला आहे.

संदीप क्षीरसागर पुढे म्हणाले, धनंजय मुंडे यांनी स्वतः सांगितले होते कराड माझे निकटवर्तीय आहेत. त्यामुळेच प्रशासक मोकळ्या श्वासात काम करु शकले नाहीत. हे प्रकरण फास्टट्रॅक कोर्टात चालवावे. धनंजय मुंडे यांनी तीन-चार महिने मंत्रीपदापासून दूर राहावे. तुम्ही मंत्रीपदाचा राजीनामा देऊन प्रशासनाला मोकळा श्वास काम करण्यासाठी द्या. आता तरी तुम्ही डोळे उघडा आणि नैतिकता दाखवा, राजीनामा द्या. सरकारला देखील विनंती आहे त्यांचा राजीनामा घ्यावा. जे गुन्हेगार आहेत आणि मास्टरमाईंड वाल्मिक कराड अशा दोषींना ३०२ कलमांतर्गत फासावर चढवा, अशी मोठी मागणी देखील क्षीरसागर यांनी केली आहे.