‘टोरेस’ या नावाने प्लॅटिनम हर्न प्रायव्हेट लिमिटेड कंपनीने मुंबईसह नवी मुंबई, ठाणे, मिरा-भाईंदर या शहरांमध्ये ब्रँड सुरू केला. गुंतवणूकदारांना कृत्रिम खडे आणि प्रत्येक आठवड्याला पाच ते साडेअकरा टक्क्यापर्यंत परतावा देण्याचे प्रलोभन दाखवण्यात आले. काही आठवड्यांनंतर परतावा मिळणे बंद झाल्याने गुंतवणूकदारांमध्ये अस्वस्थता निर्माण झाली आणि सोमवारी दादर येथील शाखेत गोंधळ उडल्यानंतर पैसे बुडाल्याचे वृत्त सर्वदूर पसरले. शिवाजी पार्क पोलिस ठाण्यात याप्रकरणी गुन्हा दाखल करत पोलिसांनी संचालक सर्वेश सुर्वे, व्यवस्थापक उझबेकिस्तानी नागरिक तानिया, रशियन नागरिक व्हॅलेंटिना स्टोअर यांना अटक केली. तर मुख्य कार्यकारी अधिकारी तौफिक शेख ऊर्फ कार्टर आणि व्हिक्टोरिया कोवलेंका फरार आहेत. पोलिसांकडून अटक आरोपींची निवासस्थाने आणि ‘टोरेस’च्या सर्व शाखांमध्ये झाडाझडती अद्याप सुरूच असून, आतापर्यंत नऊ कोटींचा ऐवज हस्तगत केला आहे.
Torres Scam: युक्रेनच्या पाहुण्या ‘टोरेस’च्या सूत्रधार; व्हिक्टोरिया अन् ओलेना प्रमुख आरोपी असल्याचा संशय
एजंटना वाटल्या
महागड्या गाड्या

जास्त रकमेची गुंतवणूक करणाऱ्या, तसेच गुंतवणूकदार आणणाऱ्या एजंटना ‘टोरेस’ने काही कार बक्षीस म्हणून दिल्या होत्या. पोलिसांनी चौकशीदरम्यान १४ कारबाबत माहिती मिळवली आहे. ज्यांच्याकडे ही वाहने आहेत, त्यांची चौकशी केली जात आहे. इतकेच नाही तर ‘टोरेस’च्या दादर येथील शोरूमबाहेर ठेवण्यात आलेली कार जवळच्या एका शोरूमधून ११ हजार रुपये भाड्याने घेण्यात आली होती. जास्त व्यवसाय केल्यास अशी कार दिली जाईल, असे प्रलोभन ग्राहकांना दाखवले जात होते.
परळीत बोगस मतदान; मतदारांच्या बोटाला शाई, ती गॅंग बटण दाबायची, VIDEO शेअर करत जितेंद्र आव्हाडांचा आरोप
शोरूमचे भाडे २५ लाख गुंतवणूकदारांना आकर्षित करण्यासाठी ‘टोरेस’ने दादरच्या शिवाजी मंदिर नाट्यगृहासमोर मोक्याच्या जागेवर आलिशान शोरूम सुरू केले होते. तपासामध्ये त्यांनी ही जाग भाडेतत्त्वावर घेतल्याचे स्पष्ट झाले आहे. २५ लाख रुपये प्रतिमहिना भाडे दिले जात असल्याची माहिती समोर आली आहे. याप्रकरणी पोलिस जागेच्या मालकाकडे अधिक चौकशी करणार आहे.