अंजनगावच्या वीज वितरण केंद्राच्या उद्घाटनाच्या कार्यक्रमात उपमुख्यमंत्री अजित पवार आणि खासदार सुप्रिया सुळे एकत्र दिसले. या कार्यक्रमाच्या निमंत्रण पत्रिकेवरून खासदार सुप्रिया सुळे या नाराज होत्या. या भागाची लोकप्रतिनिधी असल्याने किमान 24 तास आधी निमंत्रण मिळायला हवे असं सुप्रिया सुळेंनी पत्राद्वारे तक्रार केली. आया नाराजीनंतर सुप्रिया सुळे अजित पवारांच्या आधी अंजनगावमध्ये पोहोचल्या आणि त्यांची प्रतीक्षा करत थांबल्या होत्या. त्यानंतर हा उद्घाटन सोहळा दोघांच्याही उपस्थितीत पार पडला.