काय आहे नेमकं प्रकरण?

पोलिसांनी दिलेल्या माहितीनुसार, मंगळवारी लहान भाऊ नसीम खानने (२७ वर्ष) मोठ्या भावाला न विचारता त्याच्या पॉकिटातून ५०० रुपये काढले होते. याबाबत मोठा भाऊ सलीम शमीर खान (३२) याने लहान भावाला जाब विचारला. त्यानंतर सलीम आणि नसीममध्ये वाद सुरू झाला.

दोघांमधील बाचाबाचीने टोक गाठलं आणि दोघांमधील भांडण विकोपाला गेलं. याच रागात मोठ्या भावाने सलीमने आपल्या लहान भावाचा नसीमचा चाकूने वार करून हत्या केल्याचा आरोप आहे.
खेळता खेळता अनर्थ घडला, मित्रांची मस्ती चिमुकलीच्या जीवावर बेतली, तरुण अंगावर पडल्यानं २ वर्षाच्या मुलीचा मृत्यू

नशेत होता आरोपी सलीम

पोलिसांनी दिलेल्या माहितीनुसार, सलीमने लहान भावावर नसीमवर चाकू हल्ला केला, त्यावेळी तो नशेत होता. चाकू हल्ल्यानंतर त्यांच्या आईने या घटनेबाबत पोलिसांना सूचना दिली. आईच्या तक्रारीनंतर, पोलिसांत दिलेल्या जबाबानंतर पोलिसांनी आरोपीला बुधवारी अटक केली. भारतीय न्यायिक संहितेच्या कलम १०३ (१) (हत्या) अन्वये आरोपीविरुद्ध गुन्हा दाखल करण्यात आला.

हत्येच्या घटनेनंतर पोलिसांनी लहान भावाचा मृतदेह शवविच्छेदनासाठी सरकारी रुग्णालयात पाठवलं असून याप्रकरणी पुढील तपास सुरू आहे. मात्र कल्याणमधील या घटनेनंतर परिसरात एकच खळबळ उडाली आहे.

दरम्यान, गुरुवारी २ जानेवारी रोजी एका दोन वर्षाच्या चिमुकलीवर बाजूलाच असलेल्या एका २० वर्षीय तरुणाचा तोल जाऊन तो पडला. यात चिमुकली कोसळली आणि तिच्या डोक्यात गंभीर दुखापत झाली. दोन दिवस तिच्यावर कूपर रुग्णालयात उपचार सुरू होते. अखेर ४ जानेवारी रोजी चिमुकलीचा मृत्यू झाला. या घटनेने परिसरात हळहळ व्यक्त होत असून चिमुकलीच्या जाण्याने कुटुंबावर दु:खाचा डोंगर कोसळला आहे.