धनंजय मुंडेंनी फसवणूक केल्याचे आरोप करुणा मुंडेंनी केले होते. तोच धागा पकडून जानकरांनी मुंडेंचा समाचार घेतला. ‘कितीतरी महिला आक्रोश करत आहेत. दया, करुणा किती आहेत? माझ्या शब्दांत ते सांगणं बरोबर नाही. पण राज्यकर्त्यांना सगळं ठाऊक असताना तेरी भी चुप और मेरी भी चुप असा प्रकार सुरु आहे. हे बरोबर नाही,’ असं जानकर म्हणाले.
शेजारणीचा सल्ला, लिंबूवाल्यानं टोरेसमध्ये ४ कोटी गुंतवले; पैसे आले कुठून? स्वत:चं सांगितलं
‘बीडमधील लोक जे किस्से सांगत होते, त्यावरुन मला सगळ्याचा अंदाज आला. राजा, महाराजांनी भोग घेतले. राजा ययातीनंदेखील भोग घेतले. त्यालाही हजार बायका होत्या. पण राजा ययातीच्या स्क्वेअरमध्ये यांना मोजावं लागेल, अशा पद्धतीचा भोग यांनी घेतला आहे,’ अशा शब्दांत जानकरांनी कडाडून टीका केली.

‘भोगासाठी सत्ता आणि सत्तेसाठी राजकारण असं चक्रव्यूह आहे. तुमच्या पक्षात सगळे असेच नेते आहेत. ते काय करतात? ओबेरॉय हॉटेल, ताज हॉटेलचे सीसीटीव्ही फुटेज का काढत नाही? तुम्ही ते लोकांसमोर का ठेवत नाही? रोज नवा मंच, नवा बाज, नवा ताज. महाराष्ट्र राज्य काय झोपलेला नाही. सगळ्यांना सगळं माहीत आहे,’ असं जानकर पुढे म्हणाले.
साहेब, प्रदेशाध्यक्ष बदला! जयंत पाटलांसमोरच कार्यकर्त्याची शरद पवारांकडे मागणी; यादीच वाचली
‘त्याचं नेतृत्त्व काय आहे, त्याचं कर्तृत्त्व काय आहे? हे त्या पक्षाच्या नेत्यांना माहीत आहे. गृहमंत्री म्हणून फडणवीसांना माहीत आहे. ओबेरॉय हॉटेल, ताज हॉटेलचे सीसीटीव्ही फुटेज काढा, महाराष्ट्र हादरुन जाईल. कराडची माहिती का बाहेर येत नाही? त्याच्या चौकशीतून काय समजलं हे सरकार का सांगत नाही? कराड आणि सरकारमध्ये काय सेटलमेंट झाली आहे? कोणत्या अटींवर तो सरेंडर झालाय? हे पण जाहीर करावं. त्याचा राजेशाही थाट. त्याला बाज दिला जातो. त्याची पाठ दुखते., अंग दुखतं, त्याला मालीश करायला लोक पाहिजेत. त्यासाठी तो कोर्टात अर्ज करतोय. म्हणजे त्याचा कसा बादशाही रुबाब होता, ते समजतंय,’ अशा शब्दांत जानकरांनी कराडच्या तुरुंगवासावर भाष्य केलं.