आता आमदार संदीप क्षीरसागर यांनी गंभीर आरोप केले आहेत. वाल्मिक कराडला पोलिस स्टेशनमध्ये व्हिआयपी ट्रीटमेंट दिली जात असल्याचे संदीप क्षीरसागर यांनी म्हटले आहे. क्षीरसागर हे चांगलेच आक्रमक झाल्याचे बघायला मिळाले. संदीप क्षीरसागर हे म्हणाले की, मुळात म्हणजे हे प्रकरण ज्यावेळी वाल्मिक कराडवर येते, त्यावेळी हे प्रकरण कुठेतरी थांबल्यासारखे वाटते. बाकी अटक वगैरे झालीये.
राष्ट्रवादीतील बड्या मुन्नीची सुन्नी करणार; सुरेश धसांचा खळबळजनक दावा, चर्चांना उधाणबाकीचे या प्रकरणातील लोक आहेत, ते सुपारी घेऊन काम करणारी लोक आहेत. मात्र, याचा मास्टरमाईंड हा वाल्मिक कराड आहे. आम्हाला जी काही माहिती मिळतंय, ती आम्ही पोलिस प्रशासनाकडे देत आहोत. मुळात म्हणजे सीडीआर काढायला वेळ किती लागतो?. वाल्मिक कराडच आहे की, अजून कोण आहे हे देखील कळेल. बारा तास घटनेची नोंद व्हायला उशीर झाला, याचे कारण काय आणि कोण होते.

12 तासांमध्ये एसपी असतील. पोलिस स्टेशनमधील अधिकारी असतील, या काळामध्ये त्यांना कोणी कोणी फोन केला, हे सर्व काढले पाहिजे. कोणताही गुन्हेगारी असो, त्याला अटक झाल्यानंतर त्याच्या हातातील दोरे, गळ्यातील दोरे काढली जातात. मात्र, आताही तुम्ही वाल्मिक कराडला बघितले तर त्याच्या हातातील दोरे हे सर्व तशीच आहेत. वाल्मिक कराडला व्हिआयपी ट्रीटमेंट दिली जात आहे, असे संदीप क्षीरसागर यांनी म्हटले. संतोष देशमुख यांच्या कुटुंबियांनी मुख्यमंत्री देवेंद्र फडणवीस यांची नुकताच भेट घेतली आहे.