मंत्री धनंजय मुंडे यांनी आज दुपारी उपमुख्यमंत्री अजित पवारांची भेट घेतली. दोन्ही नेत्यांमध्ये सव्वा तास चर्चा झाली. कराडला झालेली अटक, त्यामुळे मुंडेंविरोधात तापलेलं प्रकरण या सगळ्याच्या पार्श्वभूमीवर दोन्ही नेत्यांची भेट घेतली. यानंतर अजित पवारांची भूमिका समोर आलेली आहे. जोपर्यंत धनंजय मुंडेंविरोधात पुरावा सापडत नाही, तोपर्यंत राजीनामा घ्यायचा नाही, अशी भूमिका अजित पवारांनी घेतली असल्याची माहिती एबीपी माझानं सुत्रांच्या हवाल्यानं दिली आहे.
हत्येनंतर घुले भिवंडीत, हॉटेलात लपण्याची योजना; मालकामुळे प्लान फसला, थेट मेसेजच दाखवला
सरपंच संतोष देशमुख हत्या प्रकरणात सध्या न्यायालयीन, सीआयडी, एसआयटी चौकशी सुरु आहे. देशमुखांची हत्या एका खंडणी प्रकरणाशी संबंधित आहे. या प्रकरणात मुंडे यांचा निकटवर्तीय कराड आरोपी आहे. त्याला सीआयडी कोठडी सुनावण्यात आलेली आहे. मुंडे मंत्रिमंडळात असल्यानं या प्रकरणाची निष्पक्ष चौकशी होऊ शकत नाही, असं विरोधकांचं म्हणणं आहे. सत्ताधारी आमदारही मुंडे यांच्या राजीनाम्यासाठी आग्रही आहेत.

या प्रकरणातील अजित पवार यांची भूमिका मात्र वेगळी आहे. मुंडे यांच्या विरोधात सध्याच्या घडीला कोणतेही पुरावे नाहीत. या प्रकरणात तीन-तीन चौकशा सुरु आहेत. त्यात जर मुंडे दोषी आढळले, तर मग त्यांच्यावर कारवाई केली जाईल, अशी भूमिका अजित पवारांनी घेतलेली आहे. मुंडे यांनी अजित पवारांची भेट घेत त्यांच्याशी सव्वा तास संवाद साधल्यानंतर उपमुख्यमंत्र्यांची भूमिका समोर आलेली आहे.
भाजप पदाधिकाऱ्याला पुणे विमानतळावर अटक; तपासणीवेळी संशय, बॅग उघडताच खळबळ
अजित पवारांच्या भूमिकेवर सामाजिक कार्यकर्त्या अंजली दमानिया यांनी कडाडून टीका केलेली आहे. ‘सिंचन घोटाळ्यात संशयाची सुई अजित पवारांकडे होती. तेव्हा त्यांनी मंत्रिपदाचा राजीनामा दिलेला होता. अगदी तडकाफडकी ते पायउतार झालेले होते. आता मुंडेंच्या विरोधात अनेक गोष्टी उघड झालेल्या आहेत. कराड आणि त्यांच्या कंपन्या, जमिनी आहेत. त्यांचे अनेक व्यवहार झालेले आहेत. पण तरीही त्यांना जनाची सोडा, पण मनाचीही वाटत नसेल तर परिस्थिती बिकट आहे. आता जनतेनं मुंडेंना राजीनामा देण्यासाठी भाग पाडायला हवं. जनतेनंच लढायला हवं,’ असं दमानिया म्हणाल्या.