मंत्री योगेश कदम पुढे म्हणाले की, आपण सगळे भारताचे नागरिक आहोत याची आम्हाला जाणीव आहे, पण महाराष्ट्रात राहताना आपल्याला मराठी बोलता आलेच पाहिजे. आम्ही जबरदस्ती करत नाही, पण तुम्ही प्रयत्न तर करा, अशी भूमिका योगेश कदम यांनी मांडली आहे. मराठीचा अवमान कराल, तर खबरदार असाही इशारा त्यांनी दिला. पंतप्रधान नरेंद्र मोदी यांनी मराठी भाषेला अभिजात भाषेचा दर्जा देऊन गौरव गेला आहे असा उल्लेख करत पंतप्रधान नरेंद्र मोदी यांचे योगेश कदम यांनी कौतुक केले.
ज्यांनी हिंदुस्थानच्या विरोधात काम केले अशा लोकांची स्मारके, स्थळे आपण का संरक्षित करतोय? नरेश म्हस्केंचा सवाल
दरम्यान, ‘दर्पणकार’ बाळशास्त्री जांभेकर यांनी एकोणिसाव्या शतकात तमाम मराठी बांधवांच्या आवाजाला वाचा फोडण्याचे काम केले, पहिलं मराठी वृत्तपत्र त्यांनी सुरू केलं याचीच आठवण ठेऊन आज ‘पत्रकार दिवस’ साजरा करण्यात येतो.
लाडक्या बहिणींना २१०० रुपये देऊ म्हणत भाजप सदस्य केलं, महिलांकडून फसवणूक झाल्याचा आरोप
दर्पण हे वृत्तपत्र त्यांनी मराठी आणि इंग्रजी दोन्ही भाषांमधून सुरू केले, इतकी त्यांची मोठी दूरदृष्टी होती, अशा शब्दात योगेश कदम यांनी दर्पणकार बाळशास्त्री जांभेकर यांचा गौरव केला. यावेळी दापोली तालुक्यातील उत्कृष्ट कामगिरी करणाऱ्या दापोली येथील पत्रकारांचा मंत्री योगेश कदम यांच्या हस्ते पुरस्कार देऊन गौरव करण्यात आला. यावेळी सर्वसामान्य नागरिकांसाठी, शेवटच्या व्यक्तीचा आवाज बनून पत्रकार बांधवांनी निर्भीडपणे काम करावे अशी अपेक्षा यावेळी त्यांनी व्यक्त केली. तसेच दापोली येथील पत्रकारांच्या भूमिकेचे त्यांनी कौतुक केलं. आपण शासनाच्या वतीने मंत्री म्हणून पत्रकारांसाठी जे काही शक्य ते सर्व सहकार्य करण्याची भूमिकाही त्यांनी यावेळी मांडली.

डॉ. बाळासाहेब सावंत कोकण कृषी विद्यापीठाच्या डॉ. स्वामीनाथन सभागृहात आयोजित या कार्यक्रमाला पद्मश्री दादा इदाते दापोली अर्बन बँकेचे अध्यक्ष जयवंत जालगावकर, भाजपा युवा मोर्चाच्या प्रदेश कार्यकारणी सदस्य व उद्योजक अक्षय फाटक, राकेश कोटिया प्रांताधिकारी डॉ.अजित थोरबोले, कृषी विद्यापीठाचे कार्यकारी सदस्य सुनील दळवी, ज्येष्ठ पत्रकार जगदीश वामकर आदी मान्यवर व्यासपीठावर उपस्थित होते.