Chhagan Bhujbal on Sharad Pawar : शरद पवारांनी दिलेल्या चिठ्ठीत काय होतं? असा प्रश्न पत्रकारांनी छगन भुजबळ यांना विचारला. ‘चिठ्ठीत काय लिहिलं होतं?’ असं म्हणत भुजबळांनी हातवारे केले
शरद पवारांनी दिलेल्या चिठ्ठीत काय होतं?
शरद पवारांनी दिलेल्या चिठ्ठीत काय होतं? असा प्रश्न पत्रकारांनी छगन भुजबळ यांना विचारला. ‘चिठ्ठीत काय लिहिलं होतं?’ असं म्हणत भुजबळांनी हातवारे केले आणि ‘पडदे में रहने दो, पडदा ना उठाओ’ असं गाणं गात ते हसायला लागले. हे ऐकून उपस्थितांमध्येही एकच हशा पिकला. त्यावरही ‘असं चिठ्ठीत लिहिलं होतं की तुम्ही म्हणताय?’ असा प्रतिप्रश्न पत्रकारांनी विचारला. त्यावर ‘मी सांगितलं ना एकदा.. उत्तर दिलं..’ एवढंच भुजबळ म्हणाले. शरद पवार आणि माझ्यात कुठलीही राजकीय चर्चा झाली नाही, असं भुजबळ म्हणाले.
माझ्या सगळ्या भावनाच मेल्या
सुनील तटकरे, प्रफुल्ल पटेल यांनी माझी समजूत घालणार असल्याचं सांगितलं असलं, तरी आमची कुठलीही भेट किंवा बातचित झालेली नाही. तुमच्या भावनांशी खेळलं जात आहे का? असा प्रश्न भुजबळांना विचारला असता, मला कुठलेही भाष्य करायचे नाही. आजकाल माझ्या सगळ्या भावनाच मेल्या आहेत, असं मार्मिक उत्तर भुजबळांनी दिलं. तुमचा पुढचा प्लॅन काय, हे विचारलं असता, आता ते तुमच्यासोबत बसून ठरवतो, तुम्ही काय सांगता त्यावर विचार करतो, असंही भुजबळ म्हणाले.
Mahesh Vighne : वाल्मिक कराडसोबतचा फोटो अंगलट, आव्हाडांनी कुंडली मांडली, PSI विघ्नेंची SIT तून उचलबांगडी
मुंडेंचा राजीनामा कशाला घेताय?
धनंजय मुंडे यांचा राजीनामा घेऊन छगन भुजबळ यांना मंत्री करणार असल्याच्या चर्चा आहेत, असं पत्रकारांनी म्हटलं असता, भुजबळ म्हणाले, की मी याआधीही सांगितलं आहे, की मला मंत्री व्हायचंय, म्हणून कुणाचा तरी बळी घ्यावा किंवा राजीनामा घ्यावा आणि मला मंत्री करावं, असं माझ्या स्वप्नातही येणं शक्य नाही.
Chhagan Bhujbal : शरद पवारांनी दिलेल्या चिठ्ठीत काय लिहिलं होतं? भुजबळ हसले, आशाताईंचं गाणं गाऊ लागले…
दुसरं म्हणजे, मुख्यमंत्री देवेंद्र फडणवीस यांनी स्पष्ट सांगितलं आहे, की पूर्ण चौकशी केल्यानंतर ते आका काय किंवा काका काय, जे कोणी लहान मोठे दोषी आढळतील, त्यांच्यावर कारवाई केली जाईल. मात्र त्याआधीच आपण धनंजय मुंडे यांचा राजीनामा का मागतोय? चौकशीत काही बाहेर आलंय का? असा सवाल भुजबळांनी लिहिला.
Sharad Pawar : संतोष देशमुख प्रकरणी बोलणाऱ्या नेत्यांच्या जीवाला धोका, फडणवीसांनी गांभीर्य ओळखावं, शरद पवारांची CM कडे मोठी मागणी
तेलगी प्रकरणात राजीनाम्याची खंत
जोपर्यंत कन्फर्म होत नाही, की त्यांचा हात कुठे आहे, हे योग्य वाटत नाही. साप साप म्हणून भुई थोपटणं बरं नाही. अशा प्रकरणातून मीही गेलोय. २००३ मध्ये तेलगी प्रकरणात त्याला पकडलं मी, मोक्का लावला मी, सगळं काही केलं मी, माझ्यावर आरोप लागले आणि माझा राजीनामा घेतला गेला, त्यावेळी मी उपमुख्यमंत्री आणि गृहमंत्री सुद्धा होतो, असं भुजबळ म्हणाले.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा