विशेष म्हणजे या कार्यक्रमांमध्ये जवळपास महाविकास आघाडीचे पाच ते सहा माजी आमदार होते. या कार्यक्रमांमध्ये चंद्रकांत दानवे यांनी आपण कसे पराभव झालो त्याचप्रमाणे कोणी कोणी रावसाहेब दानवे यांना मदत केली याचे किस्से सांगितले आणि कार्यक्रमांमध्ये एकच हास्य पिकले.

त्यानंतर जालन्याचे माजी आमदार आमदार कैलास गोरंट्याल यांनी आपल्या भाषणाला सुरुवात केली या भाषणांमध्ये त्यांनी आपला पराभवाचे शैल्य बोलून दाखवले. जालना जिल्ह्यासाठी मी मेडिकल कॉलेज आणले आणि मला ३१ हजार मताने पराभवाचा सामना करावा लागला. त्याचप्रमाणे मी घाणेवाडीचे पाणी देखील जालना शहरासाठी उपलब्ध करून दिले माझा फायदा होण्याचे ऐवजी मला पराभव पत्करावा लागला. माझ्यासोबत काही विषारी साप आहेत, असं देखील त्यांनी बोलून दाखवले. हमारे अस्तीन मे कितने साप हैं और कब डस लेंगे किसमे कितना जहर है! ये हमे मालूम है क्यूकी यह साप हमने ही पाले है! त्यामुळे यांच्यावरती भरोसा ठेवू नका.

यावेळेस कल्याण काळे यांना बोलताना त्यांनी सांगितले की तुम्ही काम करा परंतु एवढे काम करा की जेवढ्या लोकांच्या पचनी पडतील तेवढेच काम करा अन्यथा हे लोक विसरून जातील. मी ज्या-ज्या भागामध्ये काम केले, त्या भागामध्ये माझ्या विरोधात फतवे काढण्यात आले. मला खोटे बोलायला जमत नाही काही लोक बोलतात की मी तुला महापौर करून याला महापौर करेन, मात्र मी तसे केले नाही. मी जर तसे केले असते तर एका वार्डामध्ये दहा-दहा कार्यकर्ते मी जमा केले असते. परंतु मी प्रक्रिया वरती विश्वास ठेवतो मी असे खोटे आश्वासन देत नाही.

आता येणाऱ्या काळामध्ये मी पाच वर्षे थांबू शकत नाही. त्यामुळे काही दिवसांमध्ये जालन्यांमध्ये मोठा राजकीय भूकंप घडणार असल्याचे संकेत देखील त्यांनी दिले. याकडे मात्र संपूर्ण जालन्यासह महाराष्ट्रातील लक्ष लागले आहे की, हा राजकीय भूकंप काय असणार, कैलास गोरंट्याल काँग्रेस सोडणार का? की ते काँग्रेस पक्षामध्ये कोणाला आणणार किंवा काही नगरसेवक पडणार, मात्र आता जालन्यामध्ये चर्चेला सुरुवात झाली आहे. नेमकं कैलास गोरंट्याल आता राजकीय काय भूमिका घेणार याकडे सगळेच लक्ष लागले आहे.