बीडच्या केज तालुक्यातील मस्साजोगचे सरपंच संतोष देशमुख हत्या आणि सोमनाथ सुर्यवंशी या दोन्ही प्रकरणातील आरोपींना कठोर शिक्षा व्हावी, या मागणीसाठी परभणी शहरातील भव्य मोर्चात गुट्टेंची अनुपस्थिती होती. यावेली आमदार सुरेश धस आणि खासदार संजय जाधव यांनी गुट्टेंवर फटकेबाजी केली. यावर मोर्चेकऱ्यांचा गैरसमज दूर व्हावा म्हणून गुट्टेंनी तात्काळ स्पष्टीकरण दिले.

आमदार गुट्टेंनी खुलासा करत म्हटले की, ‘माझा नातू ज्युपिटर हॉस्पिटलला मुलाखतीसाठी गेला होता. त्यावेळी त्याचे अपहरण झाले आहे. तो अजूनही घरी आलेला नाही. या दु:खात असल्याने मी मोर्चाला येऊ शकलो नाही.’ तसेच गुट्टे पुढे म्हणाले, माझी भाची कल्पना भागवत गुट्टे हिचा मुलगा सुमित भागवत गुट्टे जो पुण्यात जेएनएम शिक्षण घेत आहे. तो पुण्यातील पिंपळे निलख परिसरातील रक्षक चौकातून तो बेपत्ता झाला म्हणूनच त्याच्या कुटुंबीयांना आधार द्यायचा म्हणून मी येऊ शकलो नाही.’

दरम्यान, आता रत्नाकर गुट्टेंनी पुन्हा व्हिडीओच्या मार्फत आपला नातू आता सुखरुप असल्याची माहिती दिली आहे. ते म्हणाले की, ‘माझा नातू मिसिंग आहे. त्यानंतर काही वेळातच मला पोलिसांकडून माहिती मिळाली की तो सुखरूप आहे. कुठल्यातरी रेल्वे स्थानकात तो त्यांना दिसला. पोलीस त्याचा शोध घेत आहेत. मी माननीय मुख्यमंत्र्यांचा विशेष आभार मानतो आणि शिपी यांचे देखील आभार मानतो. मी किती खुश आहे हे शब्दात सांगू शकत नाही.’