कधी सुरू होणार नवी मुंबई आंतरराष्ट्रीय विमानतळ?

नवी मुंबई आंतरराष्ट्रीय विमानतळाचा रनवे, सिग्नल यंत्रणा अशी सर्व महत्वाची कामं जवळपास पूर्ण झाल्याची माहिती समोर येत असून विमानतळाच्या टर्मिनल इमारतीचं काम अंतिम टप्प्यात आहे. महिन्याभरापूर्वीच लष्कराच्या विमानाची यशस्वी लँडिंग टेस्ट करण्यात आली होती. त्यामुळे आता थेट व्यावसायिक विमानाचं लँडिंग करण्यात आलं असून यावेळी सिडको आणि नवी मुंबई आंतरराष्ट्रीय विमानतळ लिमिटेड कंपनीचे अधिकारी उपस्थित होते. १७ एप्रिल २०२५ रोजी या विमानतळावरुन पहिलं टेक-ऑफ केलं जाणार असल्याची माहिती नवी मुंबई विमानतळाच्या सीईओ यांनी दिली आहे.
तो दारुच्या नशेत नव्हता…. विनोद कांबळी आणि सचिन तेंडुलकर यांच्या भेटीनंतर जुन्या मित्राचा दावा
नवी मुंबई आंतरराष्ट्रीय विमानतळाचे सीईओ बी.व्ही.जेके शर्मा यांनी दिलेल्या माहितीनुसार, ‘१७ एप्रिल २०२५ मध्ये पहिलं प्रवासी आणि कार्गो विमान सुरू होईल. त्यासाठी युद्धपातळीवर काम सुरू आहे. तसंच, सर्व परवानग्या मार्चपर्यंत मिळतील. १७ एप्रिल रोजी देशांतर्गंत विमानसेवेचे उद्घाटन होईल तर, आंतरराष्ट्रीय विमानसेवेचे उद्घाटन होण्यास जून उजाडेल,’ असंही त्यांनी स्पष्ट केलं आहे.
जोगेश्वरी – ठाणे दीड तासाचं अंतर २० मिनिटांत पार, गोरेगाव – मुलुंड लिंक रोडचं काम कधी पूर्ण होणार? एका गोष्टीने कामात अडथळा

पनवेलमधील विमानतळ प्रमुख शहरांना जोडणार

नवी मुंबई विमानतळामुळे मुंबईतील छत्रपती शिवाजी महाराज आंतरराष्ट्रीय विमानतळावरील भार कमी होणार आहे. नवी मुंबईत हे विमानतळ मुंबईपासून ४० किमी अंतरावर असणाऱ्या पनवेलजवळ बांधण्यात आलं आहे. ११६० हेक्टर परिसरात हे विमानतळ बांधण्यात आलं आहे. नवी मुंबई विमानतळ जगातील प्रमुख शहरांशी जोडलं जाणार आहे.