सुरेश धस म्हणाले, ‘मी प्राजक्ता माळींबद्दल बोलताना कुठेही घसरलेलो नाही. त्यांनी माझा निषेध केलाच तर त्यांनी माझं स्टेटमेंट पुन्हा एकदा पहावं. त्यांचा गैरसमज त्यांनी दूर करून घ्यावा, राजकारणात त्यांना खेचण्याचा संबंध नाही. त्या माझ्या दुश्मन नाहीत. संतोष देशमुख हत्या प्रकरण डायव्हर्ट करण्याचा हा प्रकार आहे. त्यामुळे माझ्या ठाई प्राजक्ता माळी हा विषय संपलेला आहे.’
‘हा वाद निर्माण झाला नसता तर…’ सुरेश धस-प्राजक्ता माळी वादात खासदाराची पहिली प्रतिक्रिया, कोणाची बाजू घेतली?
सुरेश धस पुढे म्हणाले, माझी आणि प्राजक्तांची ओळखही नाही आहे. मी त्यांचा केवळ महाराष्ट्राची हास्य जत्रा हा कार्यक्रम पाहत असतो. पण त्यांनी माझा निषेध केला तर, मी त्यांचा निषेध म्हणून महाराष्ट्राची हास्यजत्रा बघायचं बंद करतो, असा आगळाच निर्धार त्यांनी केला आहे.

प्राजक्ता माळीचा आक्रमक पवित्रा

अभिनेत्री प्राजक्ता माळी हिने सुरेश धसांनी धनंजय मुंडेंवरुन केलेल्या वक्तव्याचा निषेध केला आहे. ‘गेल्या दीड महिन्यापासून मी सगळा प्रकार पाहतेय. एक व्यक्ती माझ्याबद्दल काहीतरी बरळते. त्याचे हजारो व्हिडीओ तयार होतात. एक बोलल्यावर दुसरा बोलतो. अशीच चिखलफेक सुरु आहे. त्यातून महिलांचीच अब्रू निघते. राजकारणासाठीस तुम्ही अभिनेत्रींची नावं घेता. एका फोटोच्या आधारे तुम्ही कोणासोबतही नाव जोडणार का?’ असा संतप्त सवाल प्राजक्ताने उपस्थित केला. दरम्यान प्राजक्ता माळीने सुरेश धसांविरोधात महिला आयोगात तक्रार केली आहे. तर ती यासंदर्भात मुख्यमंत्री आणि उपमुख्यमंत्र्यांची देखील भेट घेणार आहे.