मुलीवर बलात्कार करणाऱ्या, तिची हत्या करणाऱ्या विशालनं त्याच्या मित्राच्या आणि पत्नीच्या मदतीनं मृतदेह रिक्षातून फेकून दिला. त्यानंतर विशाल शेगावला पळून गेला. पोलिसांना गुंगारा देण्यासाठी तो लूक बदलण्याच्या प्रयत्नात होता. त्यासाठी तो सलूनमध्ये गेला. तिथेही तो अगदी निश्चिंत दिसत होता. त्याच्या चेहऱ्यावर पश्चातापाचा लवलेशही नव्हता. याच सलूनमधून विशाल गवळीच्या मुसक्या पोलिसांनी आवळल्या.
Vishal Gawali: मला विशालसमोर नेऊ नका! पत्नीची पोलिसांना विनंती; गुन्ह्यात साथ देण्यामागचं कारणही सांगितलं
सलूनमधील सीसीटीव्हीत विशालच्या हालचाली अगदी स्पष्ट दिसत आहेत. सलूनमध्ये आलेल्या विशालच्या हातात एक पिशवी आहे. ती पिशवी तो बाजूला ठेवतो. टी-शर्ट, जीन्स परिधान केलेला विशाल दाढी करण्यासाठी खुर्चीवर बसतो. दाढी झाल्यानंतर एक जण त्याच्या मागे येतो. त्याच्या तोंडावर मास्क असतो. त्यामुळे त्याचा चेहरा अजिबात दिसत नाही. निळा टीशर्ट आणि जीन्स घातलेली व्यक्ती विशालची खुर्ची फिरवते. विशालचे दोन्ही हात तो पकडून ठेवतो. हा व्यक्ती साध्या वेशातील पोलीस असते. खुर्ची फिरल्यावर तो मास्क बाजूला करतो.

पोलीस कर्मचारी विशालला स्वत: सोबत येण्यास सांगतो. पण विशाल खुर्चीवर उठत नाही. तेवढ्यात वाहतूक विभागातील एक पोलीस तिकडे येतो. साध्या वेशातील पोलीस विशालची खुर्ची जोरात ओढतो. त्यानंतर विशाल उठतो. आरोपी पळून जाऊ नये याची दक्षता घेत दोन पोलीस कर्मचारी त्याला बाहेर आणतात. या संपूर्ण घटनाक्रमात विशालच्या चेहऱ्यावर कुठेही भीती, पश्चाताप दिसत नाही.
भररस्त्यात लेकीवर अतिप्रसंगाचा प्रयत्न! पीडितेची आई समोर; विशालची क्राईम कुंडलीच मांडली
विशाल गवळी आणि त्याची पत्नी साक्षीला आज न्यायालयात हजर करण्यात आलं. न्यायालायनं दोघांना २ जानेवारीपर्यंत पोलीस कोठडी सुनावली. विशालच्या पत्नीनं त्याला गुन्हा लपवण्यात सहकार्य केलं. त्यामुळे तिलाही अटक करण्यात आली आहे. विशालला मदत केली नसती, तर त्यानं माझीही हत्या केली असती, असा दावा साक्षीनं पोलीस चौकशीत केला.