कल्याण बलात्कार आणि हत्या प्रकरणाचा तपास करणाऱ्या पोलिसांना विशाल गवळीकडे तो मानसिक रुग्ण असल्याचा दाखला आढळून आला आहे. त्यामुळे पोलीस यंत्रणा चक्रावून गेली आहे. याच दाखल्याच्या आधारे त्यानं यापूर्वी दोन वेळा न्यायालयातून जामीन मिळवल्याची माहिती तपासातून पुढे आली आहे. या प्रकरणाचा तपास सध्या ठाणे आणि कल्याण पोलिसांच्या गुन्हे शाखांकडून सुरु आहे.
लूक बदलण्यासाठी विशाल सलूनमध्ये, तेवढ्यात एक मास्कधारी मागून आला; CCTV फुटेजमध्ये नेमकं काय?
अल्पवयीन मुलीची हत्या केल्यानंतर विशाल गवळीनं कल्याण सोडलं. तो बुलढाण्यातील शेगावला पळून गेला. तिथे त्याच्यी पत्नी साक्षीचं माहेर आलं. पळून जाण्याआधी त्यानं पत्नीच्या मदतीनं मुलीचा मृतदेह बापदेव परिसरात फेकून दिला. त्यात त्याच्या एका मित्रानं त्याला मदत केली. याच मित्राच्या रिक्षात मृतदेह भरलेली बॅग टाकून विशाल आणि साक्षी बापदेवला गेले होते.

विशालकडे तो मानसिक रुग्ण असल्याचे दाखले असल्याची माहिती समोर आली आहे. याच दाखल्याच्या मदतीनं विशालनं यापूर्वी न्यायालयातील जामीन मिळवले आहेत. तशी माहिती पोलीस तपासातून उघडकीस आली आहे. विशालवर एकूण सहा गुन्हे दाखल आहेत. त्यात विनयभंग, जबरी चोरी, मारहाण यांचा समावेश आहे. यापूर्वी त्याला तडीपारही करण्यात आलेलं होतं. तडीपारीचा कालावधी संपल्यानंतर तो पुन्हा कल्याणमध्ये आला.
Vishal Gawali: मला विशालसमोर नेऊ नका! पत्नीची पोलिसांना विनंती; गुन्ह्यात साथ देण्यामागचं कारणही सांगितलं
२०२३ मध्ये विशालनं एका कॉलेजवयीन मुलीवर भररस्त्यात अतिप्रसंग करण्याचा प्रयत्न केला होता. त्यानंतर तिच्या कुटुंबानं पोलिसात धाव घेतली. त्या प्रकरणात विशालला अटक झाली. तो २ महिने तुरुंगात होता. त्यानंतर त्याची सुटका झाली. विशालची परिसरात बरीच दहशत आहे.