| Contributed byआशिष मोरे | महाराष्ट्र टाइम्स.कॉम | Updated: 26 Dec 2024, 3:51 pm
Devendra Fadnavis on cyber crime : समाजात असे खोटे आणि द्वेष पसरवणाऱ्यांची आता खैर नाही. आता जो कोणी खोटी पोस्ट करेल, ते फॉरवर्ड करणारेही दोषी असतील”. बुधवारी नागपुरातील प्रेस क्लब येथे आयोजित पत्रकार परिषदेत महाराष्ट्राचे मुख्यमंत्री देवेंद्र फडणवीस बोलत होते. यासोबतच मुख्यमंत्र्यांनी अशा लोकांना सुधारण्याचे आवाहन केले आहे.
तंत्रज्ञानाचा गैर वापर केला जातो- फडणवीस
मुख्यमंत्री देवेंद्र फडणवीस यांनी बुधवारी नागपुरात पत्रकार परिषद घेतली. ज्यामध्ये मुख्यमंत्र्यांनी विदर्भ, राज्य, विकास, शेतकरी यांसह विविध प्रश्नांवर भाष्य करत पत्रकारांच्या प्रश्नांना उत्तरे दिली. संभाषणात मुख्यमंत्र्यांना महाआघाडीतील समन्वय आणि पालकमंत्र्यांच्या जागावाटपाबाबत विचारणा करण्यात आली. यावेळी सायबर गुन्ह्याबाबत बोलताना मुख्यमंत्री देवेंद्र फडणवीस म्हणाले की, “सध्याच्या काळात सायबर गुन्हे ही सर्वात आव्हानात्मक बाब आहे. तंत्रज्ञान झपाट्याने वाढत आहे, मात्र काही लोक त्याचा चुकीचा वापर करत आहेत. जनतेची दिशाभूल करण्याचा प्रयत्न करत आहेत. , फेक नैरेटिव तयार करत आहे, आणि मतभेद निर्माण करण्याचे काम करत आहे.
मुख्यमंत्री म्हणाले, “सोशल मीडियाच्या माध्यमातून एडिट केलेले व्हिडिओ किंवा खोटे व्हिडीओ पसरवून वातावरण बिघडवण्याचा प्रयत्न केला जातो. अशा गुन्हेगारांना आळा घालण्याचे काम सुरू आहे. सध्या आम्ही सर्वांना पकडण्यास सक्षम आहोत. सोशल मीडियाचा आमच्याकडे डिजिटल फूटप्रिंट आहे. जे काही केले जात आहे त्यासंदर्भात आता कोणी खोटी पोस्ट तयार केली ती व्यक्ती, तसेच ती पोस्ट फॉरवर्ड करणारी व्यक्ती शोधून काढता येईल.” यासोबतच आता केवळ चुकीची पोस्ट करणारी व्यक्तीच नाही तर ती फॉरवर्ड करणारी व्यक्तीही दोषी असेल, असेही मुख्यमंत्री देवेंद्र फडणवीस म्हणाले.