CM Devendra Fadnavis Criticize Congress Rahul Gandhi : अमित शहा यांनी संसदेतील हिवाळी अधिवेशनादरम्यान राज्यसभेत डॉ. आंबेडकरांबद्दल केलेल्या वक्तव्यानंतर राहुल गांधीनीही त्याविरोधात आक्रमक भूमिका घेतली. यावर महायुतीतून संतप्त प्रतिक्रिया उमटल्या आहेत. तर मुख्यमंत्री देवेंद्र फडणवीसांनीही या प्रकरणाचे राजकारण केले जात असल्याचे म्हटले आहे.
देवेंद्र फडणवीसांनी अमित शहांच्या मुद्द्यावरुन काँग्रेसने घेतलेल्या भूमिकेवरुन प्रतिक्रिया दिली आहे. ते म्हणाले, ‘केंद्रीय गृहमंत्री अमित शाह यांचं वक्तव्य अर्धवट ट्विट करत काँग्रेसने जनतेचा आणि संसदेचा वेळ वाया घालवला आहे. आता देखील ते लोकांमध्ये खोटे पसरवण्याचे काम करत आहेत.’ तर ‘यासाठी आधी काँग्रेसने माफी मागितली पाहिजे,’ अशी मागणी फडणवीसांनी केली आहे. 
छगन भुजबळांना मंत्रिमंडळातून दूर करू शकता, पण… संजय राऊतांचे देवेंद्र फडणवीसांना ओपन चॅलेंज
फडणवीस पुढे म्हणाले, ‘राहुल गांधी यांनी आधी संसदेचा वेळ खराब केला, आता जनतेचा वेळ खराब करत आहेत. संसदेत बोलत असताना मोदींनी काँग्रेस पक्षाला एक्स्पोज केले आहे. काँग्रेसने कसा संविधानाचा अपमान केला. डॉ. बाबासाहेब , संविधानातील आरक्षणाला पंडित नेहरू, इंदिरा गांधी आणि गांधी घराण्याचा कसा विरोध राहिलाय हे मोदींनी जनतेसमोर आणलं. त्यामुळे काँग्रेस पक्षाकडून नाटक केलं जात आहे.’
पुढे फडणवीसांनी डॉ. बाबासाहेब आंबेडकरांना भारतरत्न न देण्याचा मुद्दा पुन्हा गिरवला आहे. ‘खरं म्हणजे याच काँग्रेस पार्टीने भारतरत्न डॉ. आंबेडकरांना निवडून येऊ दिले नाही. लंडनमध्ये डॉ. आंबेडकर जिथे शिकले ते घर लिलावात निघाले होते, काँग्रेसकडे अनेक संघटनांनी मागणी केली हे घर लिलावात जाऊ देऊ नका, पण त्यांनी याकडे दुर्लक्ष केलं. जेव्हा आमचे सरकार आले तेव्हा ते घर आम्ही घेतले. काँग्रेसला फक्त बाबासाहेबांचे नाव वापरायचे आहे आणि राजकारण करायचे आहे. मात्र त्यांचा काँग्रेसने कधीही सन्मान केला नाही आणि भारतरत्नही बाबासाहेबांना काँग्रेसने दिले नाही’, असे देवेंद्र फडणवीस म्हणाले.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा