Maharashtra Cabinet Portfolio Allocation: राज्य सरकारचं खातेवाटप अखेर जाहीर करण्यात आलं आहे. यावेळी एकनाथ शिंदे यांनी भाजपला गृहखातं सोडलं असलं तरी दोन महत्त्वाची खाती आपल्याकडे खेचण्यात त्यांना यश आलं आहे.
एकनाथ शिंदेंकडे दोन महत्त्वाची खाती
तर, राज्याचे माजी मुख्यमंत्री आणि आताचे उपमुख्यमंत्री एकनाथ शिंदे यांच्या वाट्याला नगरविकास, गृहनिर्माण खातं आलं आहे. गेल्या पाच वर्षांपासून एकनाथ शिंदे यांच्याकडे नगरविकास खातं कायम आहे. यंदाही या खात्याची जबाबदारी त्यांनाच देण्यात आली आहे. उद्धव ठाकरे मुख्यमंत्री असल्यापासून शिंदे यांच्याकडे या खात्याची जबाबदारी आहे. याच खात्याच्या माध्यमातून शिंदेंनी शिवसेनेच्या आमदारांना मोठ्या प्रमाणात निधी दिला. त्याचा फायदा त्यांना बंड करताना झाला.
अखेर खातेवाटप जाहीर; फडणवीस, दादांकडे पॉवरफुल खाती; शिंदेंनी शक्तिशाली मंत्रालय खेचलं
नगरविकास खातं हे बऱ्याचदा मुख्यमंत्री स्वत:कडे ठेवत असतात. मात्र, महायुतीतील घटकपक्ष असलेल्या शिवसेनेला खूश करण्यासाठी, तसेच, गृहखात्याच्या मोबदल्यात भाजपने हे खातं एकनाथ शिंदेंना दिलं आहे. त्यासोबत त्यांच्यावर गृहनिर्माण खात्याची जबाबदारीही सोपवण्यात आली आहे.
गृहनिर्माण हे देखील अत्यंत पॉवरफुल खातं एकनाथ शिंदे यांना देण्यात आलं आहे. हे खातं शिंदे सरकारमध्ये भाजपच्या अतुल सावे यांच्याकडे होतं. तेही आपल्या पारड्यात खेचण्यात एकनाथ शिंदे यांना यश आलं आहे. त्यामुळे महायुती सरकारमध्ये शिवसेनेचं वजन वाढलं आहे.
कोणाला कोणतं खातं?
देवेंद्र फडणवीस- गृहखातं
एकनाथ शिंदे- नगरविकास, गृहनिर्माण
अजित पवार- अर्थ
चंद्रशेखर बावनकुळे- महसूल
हसन मुश्रीफ- वैद्यकीय शिक्षण
राधाकृष्ण विखे- जलसंपदा
धनंजय मुंडे- अन्न आणि नागरी पुरवठा
उदय सामंत- उद्योग
चंद्रकांत पाटील- उच्च आणि तंत्र शिक्षण
गणेश नाईक- वन
गुलाबराव पाटील- पाणीपुरवठा
पंकजा मुंडे- पर्यावरण
अतुल सावे- ओबीसी विकास
अशोक उईके- आदिवासी विकास
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा