Mumbai Boat Accident: गेटवे ऑफ इंडियाहून एलिफंटाला निघालेली प्रवासी बोट बुधवारी बुडाली. उरण जवळ असलेल्या कारंजा येथे नौदलाच्या स्पीड बोटनं नीलकमल नावाच्या प्रवासी बोटीला धडक दिली.
नौदलाच्या स्पीड बोटीतील इंजिनात ट्रायल दरम्यान बिघाड झाला. त्यामुळे बोट नियंत्रणाबाहेर गेली. त्यावेळी नौदल अधिकारी महेंद्रसिंह शेखावत पुढे आले. त्यांनी स्टेअरिंगवर नियंत्रण मिळवण्याचा प्रयत्न केला. स्पीड बोट फेरी बोटीच्या मध्यभागी धडकणार नाही याची काळजी त्यांनी घेतली. फेरी बोटीच्या मध्यभागी डिझेल टाकी असल्यानं स्पीड बोट तिकडे धडकली असती तर मोठी दुर्घटना घडली असती. पण ती टाळण्यात शेखावत यांना यश आलं. दुर्दैवानं शेखावत यांचा या अपघातात जागीच मृत्यू झाला.
Sharad Pawar: माझ्या मुलाची हत्या झालीय! सोमनाथच्या आईचा आक्रोश; माऊलीला धीर देत पवारांचा शब्द
नीलकमल बोट दुर्घटनेत १०० जणांना वाचवण्यात यश आलं आहे. गोव्याहून आलेले जोहान पठाण अजूनही बेपत्ता आहेत. त्यांचा शोध सुरु आहे. या प्रकरणात कुलाबा पोलिसांनी आतापर्यंत १६ जणांचे जबाब घेतले आहेत. स्पीड बोटवरील ओईएम कंपनीच्या इंजिनीअरसोबत हेल्पर म्हणून आलेल्या दीप किशोर निकोशेच्या प्राथमिक चौकशीतून अपघातावेळी नेमकं काय घडलं, त्याची माहिती समोर आली.
नौदलाच्या स्पीड बोटीतील इंजिनाचं ट्रायल सुरु होतं. त्यावेळी नौदल अधिकारी महेंद्रसिंह शेखावत, ओईएम कंपनीचे कर्मचारी कर्मवीर यादव, इंजिनीअर टी. दीपक, मंगेश केळशीकर, प्रवीण शर्मा, हेल्पर निकोशेसह बोटीवर गेले होते. यादव यांच्याकडे स्टेअरिंग होतं. ट्रायल सुरु असताना इंजिनात बिघाड झाला. त्यामुळे आरपीएमवर (रोटेशन पर मिनिट) नियंत्रण झालं नाही. यामुळे बोटीवरील नियंत्रण सुटलं.
एक बिहारी सब पे भारी काय? ठाकरेंचे शिंदे बिहारी मॅनेजरला भिडले; पवारांसाठी ऑफिसात घुसून नडले
स्पीड बोट समोरुन जाणाऱ्या फेरी बोटीला धडकू नये यासाठी शेखावत पुढे सरसावले. फेरी बोटीच्या मध्यभागी डिझेल टाकी असल्यानं त्याना बोट धडकल्यास बोटीला आग लागून मोठी दुर्घटना घडू शकत होती. ती टाळण्याचा आटोकाट प्रयत्न शेखावत यांनी केला. नियंत्रणाबाहेर गेलेली स्पीड बोट वळवण्यात आली. धडक टाळण्याचा प्रयत्न करण्यात आला. पण स्पीड बोट नीलकमलच्या कोपऱ्याला घासून पुढे गेली. स्पीड बोटीची धडक बसल्यानं प्रवासी बोटीत पाणी शिरलं आणि काही वेळात ती उलटली.
स्पीड बोट नियंत्रित करण्यासाठी पुढे सरसावलेले शेखावत धडकेनंतर उडाले आणि नीलकमल बोटीला धडकून कोसळले. ते गंभीर जखमी झाले. त्यांचा जागीच मृत्यू झाला. तर यादव गंभीर जखमी असून त्यांच्यावर अश्विनी रुग्णालयात उपचार सुरु आहेत. प्रकृती नाजूक असल्यानं त्यांचा जबाब अद्यापपर्यंत घेण्यात आलाला नाही.
लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस.… आणखी वाचा