३० वर्षांपासून पिंपळगाव बसवंत येथे स्थायिक झालेल्या नाना आहिरे या बांधकाम क्षेत्रातील लेबर कॉन्ट्रॅक्टरचा राकेश एकुलता एक मुलगा. राकेश मुंबई येथे पत्नी आणि मुलासह उपचारासाठी तीन दिवसांपूर्वी गेले होते. दम्याचा आजार असलेले राकेश नाशिक येथे उपचार घेत होते. परंतु, सासऱ्यांच्या सांगण्यावरून ते मुंबईला उपचारासाठी गेले. कल्याण येथे सासऱ्याकडे राहिल्यानंतर मुंबईत रुग्णालयात बुधवारी त्यांनी उपचार घेतले. त्यानंतर पत्नी व मुलासह ते गेट वे ऑफ इंडिया येथे गेले. तेथून एलिफंटा लेणी पाहण्यासाठी आणि समुद्रातील सफर करण्यासाठी ते ज्या बोटीत बसले होते, त्या बोटीला बुधवारी सायंकाळी भारतीय नौदलाच्या बोटीने धडक दिल्याने प्रवासी बोटीतील काही लोक बुडाले. दुर्दैवाने या अपघातात राकेश, हर्षदा यांचाही बुडून मृत्यू झाला, तर निवेशचा उपचारादरम्यान मृत्यू झाला.
Sudhir Mungantiwar: १३पर्यंत पक्के होते, १५ला नाव कटले! मंत्रिपदाबाबत सुधीर मुनगंटीवार यांचा गौप्यस्फोट
ओळख पत्रावरून त्यांची माहिती रात्री उशिरा पिंपळगावात आली. नातेवाइकांनी प्रशासनाशी संपर्क केला. सकाळी ११ वाजेच्या दरम्यान या तिघांचेही मृतदेह पिंपळगावमधील पवन नगर येथील त्यांच्या निवासस्थानी आल्यानंतर आहिरे कुटुंबियांच्या आक्रोशाने उपस्थितांनाही अश्रू अनावर झाले. तीन दिवसांपूर्वी आपला निरोप घेऊन गेलाला नातू, मुलगा आणि सुनेने घेतलेल्या कायमच्या निरोपामुळे आहिरे कुटुंबावर दु:खाचा डोंगरच कोसळला. पिंपळगाव बसवंत अमरधाममध्ये तिघांवर अंत्यसंस्कार करण्यात आले.
Pune Crime: पुण्यात डान्स टीचरचा चार मुलांवर अनैसर्गिक अत्याचार, वर्गात ‘तो’ शब्द ऐकला अन् प्रकार उघड
राकेश निर्व्यसनी आणि मनमिळाऊ स्वभावाचे असल्याने त्यांचा मित्र परिवार मोठा होता. आपल्या वडिलांच्या व्यवसायात ते त्यांना मदत करीत असत. दम्याचा त्रास असल्याने राकेश बँकिंगची कामे, मजुरांचे पगार वाटप यासह इतर कामे बघत असत. राकेशचा सात वर्षांपूर्वी कल्याण येथील हर्षदाशी विवाह झाला होता. निवेश ज्युनिअर केजीमध्ये शिकत होता. कष्टातून घर उभे केलेल्या आहिरे कुटुंबाचा परिसरात सर्वांशी स्नेह होता. सारे काही सुरळीत होते परंतु, क्षणात होत्याचे नव्हते झाले. कष्ट आणि संकटांमुळे कधीही न डगमगलेले नाना आहिरे या घटनेने मात्र खूपच खचून गेल्याचे जाणवले.