‘सरकार हव्या त्या विषयावर चर्चेसाठी तयार आहे. विरोधकांनी उगाच राजकारण करू नये’, असे प्रत्युत्तर मुख्यमंत्री देवेंद्र फडणवीस यांनी सोमवारी विरोधकांना दिले.
फडणवीस नव्हे फसवणीस….भाई जगताप EVM वरुन कडाडले, मविआ आमदारांचं विधानभवन परिसरात आंदोलन
विरोधकांनी माध्यमांवर चर्चा न करता सभागृहात बोलावे, असे विधान मुख्यमंत्री देवेंद्र फडणवीस यांनी केले होते. त्यावर विधान परिषदेचे विरोधी पक्षनेते अंबादास दानवे यांनी ‘आम्ही सभागृहात चर्चेला तयार आहोत. पण, सरकारने खोटे बोलू नये’, असे म्हणत आव्हान दिले होते. त्याला प्रत्युत्तर देताना फडणवीस म्हणाले, ‘अंबादास दानवे तसेच सर्व विरोधकांनी हव्या त्या विषयावर चर्चा करावी. महत्त्वाचे विषय मांडावेत. सरकार उत्तर द्यायला सक्षम आहे. सरकार कुठलीही बाजू लपवून ठेवणार नाही वा मागे-पुढे पाहणार नाही. मात्र, विरोधकांनी केवळ राजकारण करायचे ठरविले तर राजकीयच उत्तर मिळेल.’
नागपुरात शपथविधी, माजी मुख्यमंत्र्यांच्या पुतण्याने घेतली मंत्रिपदाची शपथ; ३३ वर्षापूर्वीच्या ‘त्या’ घटनेची सर्वांना आठवण
पुरवणी मागण्यांवर बोलताना ते म्हणाले, ‘३५ हजार कोटींच्या पुरवणी मागण्या मांडल्या आहेत. त्या लवकरच चर्चेनंतर मान्य होतील. आपला अर्थसंकल्प सहा लाख कोटींहून मोठा आहे. जेव्हा आपला अर्थसंकल्प दोन-अडीच लाख कोटींचा होता तेव्हादेखील आपण पंधरा हजार कोटींच्या पुरवणी मागण्या मांडायचो. नवीन अकाउंटिंग सिस्टीम आल्यापासून पुरवणी मागण्यांमध्ये वाढ झाली आहे. कारण, पूर्वी आपण वर्षभरातल्या सगळ्या गोष्टी बजेटेड करायचो. आता आपण त्या अर्थसंकल्पित केल्या तरी प्रत्यक्षात त्या मागण्यांच्या संदर्भातील बजेटिंग पुरवणी मागण्यांमध्ये करतो. योग्य चर्चा करून त्या मान्य करण्यात येतील.’

जितेंद्र आव्हाड यांनी ईव्हीएमबाबत व्यक्त केलेल्या शंकेवर बोलताना ते म्हणाले, ‘आव्हाड मनाला येईल ते बोलतात. त्यासाठी त्यांना कुठलाही पुरावा लागत नाही. त्यांनी केलेल्या विधानावर मला उत्तर विचारू नका. काही लोक त्यांच्याप्रमाणेच बोलणारे आहेत, त्यांना जाऊन विचारा.’