सुधीर मुनगंटीवार, विजयकुमार गावित, रविंद्र चव्हाण यांना भाजपनं फडणवीसांच्या मंत्रिमंडळात संधी दिलेली नाही. भाजपनं प्रदेशाध्यक्ष चंद्रशेखर बावनकुळे यांना मंत्रिमंडळात स्थान दिलेलं आहे. ते सध्या प्रदेशाध्यक्ष आहेत. त्यांच्याच नेतृत्त्वात भाजपनं राज्यात न भूतो असं यश मिळवलं. भाजपला १३२ जागा जिंकून देण्यात देवेंद्र फडणवीसांपाठोपाठ बावनकुळेंचाही वाटा आहे. आता त्यांना मंत्रिमंडळात स्थान देण्यात आल्यानं प्रदेशाध्यक्षपदी कोणाची वर्णी लागणार याबद्दल उत्सुकता आहे.भाजप, सेनेतून जोरदार विरोध; तरीही ‘तो’ नेता पुन्हा मंत्रिपदी; चर्चा १७०० कोटींच्या कामांची
मंत्रिमंडळातून डच्चू देण्यात आलेल्या रविंद्र चव्हाण यांच्याकडे प्रदेशाध्यक्षपदाची दिली जाण्याची दाट शक्यता आहे. किंबहुना प्रदेशाध्यक्षपदाची जबाबदारी त्यांच्याकडे दिली जाणार असल्यानंच त्यांच्याकडे मंत्रिपद देण्यात आलेलं नसल्याची चर्चा आहे. याआधीच्या सरकारमध्ये ते गृहनिर्माण मंत्री होते. ते ठाण्यातून निवडून येतात. ठाण्यात एकनाथ शिंदेंच्या शिवसेनेला शह देण्यात त्यांची कामगिरी मोलाची राहिली आहे.

ठाण्यातून येणाऱ्या रविंद्र चव्हाणांकडे प्रदेशाध्यक्षपद देऊन भाजपकडून मित्रपक्षाला योग्य संदेश दिला जाऊ शकतो. एकनाथ शिंदेंचा बालेकिल्ला असलेल्या ठाण्यातील शिवसेनेच्या वर्चस्वाला आव्हान देण्याची कामगिरी चव्हाण यांनी अनेकदा केली आहे. येत्या कालावधीत स्थानिक स्वराज्य संस्थांच्या निवडणुका आहेत. ठाणे जिल्ह्यात एकूण सहा महानगरपालिका, दोन नगरपरिषदा, दोन नगर पंचायती येतात. चव्हाण यांच्याकडे प्रदेशाध्यक्ष दिल्यास त्याचा फायदा भाजपला होऊ शकतो.
टीम फडणवीस! ३९ जणांचा शपथविधी; २५ नवे चेहरे, ११ जणांना डच्चू, पाहा मंत्र्यांची संपूर्ण यादी
लोकसभा निवडणुकीत राज्यात भाजपचा दारुण पराभव झाला. पण कोकणची जबाबदारी घेतलेल्या चव्हाण यांनी चांगली कामगिरी केली. कोकण पट्ट्यातील पालघर, रत्नागिरी-सिंधुदुर्गमध्ये त्यांनी भाजपला विजय मिळवून दिला. २०२९ साठी भाजपनं शत-प्रतिशतचा लक्ष्य ठेवलं आहे. विधानसभा निवडणुकीआधी केंद्रीय मंत्री अमित शहांनी तसा मानस बोलून दाखवला आहे. त्यादृष्टीनं चव्हाण यांच्यासमोर भाजपची पाळंमुळं आणखी घट्ट रोवण्याचं आव्हान असणार आहे.