Nanded News : फडणवीसांच्या मंत्रिमंडळ विस्तारात नांदेडच्या वाट्याला मंत्रिपदाची संधी मिळाली नाही. माजी मुख्यमंत्री अशोक चव्हाण यांचं वजन कमी पडल्याची चर्चा राजकीय वर्तुळात सुरू आहे.
लोकसभा निवडणुकीपूर्वी माजी मुख्यमंत्री अशोक चव्हाण हे काँग्रेससोडून भाजपात प्रवेश केला. काँग्रेसमधील अनेक त्यांचे समर्थक देखील भाजपवासी झाले. पण लोकसभा निवडणुकीत भाजपाला यश काही मिळालं नाही. लोकसभा निवडणुकीत मिळालेल्या अपयशानंतर विधानसभा निवडणुकीत अशोक चव्हाण यांची प्रतिष्ठा पणाला लागली होती. आपल्या कन्येसह भाजपाच्या उमेदवारांना निवडून आणणं चव्हाणांसमोर एक प्रकारे आवाहन होते. अखेर अशोक चव्हाण यांनी कन्येसह भाजपच्या पाच आमदारांना निवडून आणले. शिवाय जिल्ह्यात नऊच्या नऊ जागेवर महायुतीचे उमेदवार विजयी झाले.
Ashok Chavan : भाजपच्या त्रासामुळे नाही, तर काँग्रेसच्या जाचामुळेच मी पक्ष बदलला! अशोक चव्हाण यांचा जाहीर सभेत गोप्यस्फोट
माजी मुख्यमंत्री अशोक चव्हाण यांनी नांदेड जिल्ह्याची धुरा देखील सांभाळली होती. या अभूतपूर्व यशानंतर अशोक चव्हाण यांच्यामुळे नांदेडला मंत्री पद मिळेल अशी शक्यता देखील होती. त्यातच भाजपकडून माजी मुख्यमंत्री अशोक चव्हाण यांच्या कन्या श्रीजया चव्हाण, डॉ तुषार राठोड आणि शिवसेना शिंदे गटातून आमदार हेमंत पाटील, राष्ट्रवादीकडून प्रताप पाटील चिखलीकर यांचे नाव देखील मंत्री पदाच्या चर्चेत होते. पण नांदेडला मंत्री पद काही मिळाले नाही. दरम्यान जिल्ह्याला मंत्री पद न मिळाल्याने नांदेडकरांची निराशा झाली आहे.
दोन वेळा मुख्यमंत्री पद भोगलं, तरी काँग्रेसला शिव्या; ‘अशोक चव्हाणांचा सातबारा खोडून काढण्याची वेळ,’ नाना पटोले कडाडले
मराठवाड्यातून सहा आमदारांच्या गळ्यात मंत्री पदाची माळ
आज झालेल्या मंत्री मंडळात मराठवाड्यातून छत्रपती संभाजीनगर, बीड आणि परभणी जिल्ह्याला संधी देण्यात आली आहे. बीड जिल्ह्यातून राष्ट्रवादी अजित पवार गटाचे धनंजय मुंडे, भाजपच्या पंकजा मुंडे, परभणीच्या मेघना बोर्डीकर यांच्यासह शिवसेना शिंदे गटाचे संजय शिरसाठ, भाजपाचे अतुल सावे आणि अजित पवार गटाचे बाबासाहेब पाटील यांना मंत्री मंत्री मंडळात स्थान मिळाले आहे.
केंद्र आणि राज्यात अशोक चव्हाणांचे वजन कमी पडले? दहा आमदार असूनही मंत्री पदाची हुलकावणी, नांदेडच्या पदरी निराशाच
मी मुख्यमंत्री असतो तर नांदेडचा विचार केला असता…
महाराष्ट्रात एक स्थिर सरकार स्थापन झालं आहे. ज्या पद्धतीने मंत्री मंडळाचा विस्तार करण्यात आला आहे. मुख्यमंत्री देवेंद्र फडणवीस यांच्या नेतृत्वात बॅलन्स टीम झाली आहे. उपमुख्यमंत्री एकनाथ शिंदे आणि उपमुख्यमंत्री अजित पवार हे चांगल काम करतील अशी प्रतिक्रिया माजी मुख्यमंत्री अशोक चव्हाण यांनी दिली. नांदेडला मंत्री पद मिळालं नाही, पण भविष्यात मंत्री पद मिळू शकते, असं देखील चव्हाण म्हणाले. जर मी मुख्यमंत्री असतो तर अडीच वर्षानंतर नांदेडला मंत्री पद देण्याचा विचार केला असता, पण मी मुख्यमंत्री नाही, अशी मिश्किल प्रतिक्रिया अशोक चव्हाण यांनी दिली.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड…. आणखी वाचा