Nagpur man dies in Goa : नोकरीनिमित्त पुण्यात वास्तव्यास असलेल्या नागपूरच्या तरुणाचा शुक्रवारी सकाळी गोवा येथील समुद्र किनाऱ्यावर बुडून मृत्यू झाला
नेमकं काय घडलं?
मिळालेल्या माहिती नुसार जिल्हा परिषदच्या डिफेन्स, देवलापार हायस्कूलमधून सेवानिवृत्त विजय थूल यांचा मुलगा प्रणय हा पुणे येथे एका खाजगी कंपनीत कार्यरत असून तो पुण्यालाच राहत होता. त्याची विवाहित बहीण श्वेता नाशिकला राहते, ती एका खाजगी बँकेत व्यवस्थापक पदावर कार्यरत आहे.
बहीण-भावंडांचा गोवा प्लॅन
गुरुवारी प्रणयची बहीण श्वेता आणि तिच्या पतीने फिरायला गोवा येथे जाण्याचे ठरवले. यावेळी त्यांनी प्रणयलाही सोबत घेऊन जाण्याचे ठरवले. ते प्रणयला आणण्यासाठी नाशिकहून पुण्याला पोहचले. त्याला घेऊन कारने गुरुवारी रात्री दक्षिण गोवा येथील समुद्र किनाऱ्यावरील एका हॉटेलमध्ये त्यांनी मुक्काम केला.
Parbhani Violence : परभणीच्या रुग्णालयात ‘त्या’ महिलेचा मृत्यू नाही! अफवांवर विश्वास न ठेवण्याचं पोलिसांचं आवाहन, जनजीवन पूर्वपदावर
सकाळी ठावठिकाणा लागेना
प्रणय एका रुममधे तर जावई आणि बहीण दुसऱ्या रुममध्ये थांबले. सकाळी जेव्हा दोघे उठले, तेव्हा त्यांना त्यांच्या दरवाजाबाहेर प्रणयची चप्पल दिसली. त्यांनी त्याच्या रुममध्ये जाऊन बघितले तर तिथे त्याचा मोबाईल त्यांना दिसला, मात्र प्रणय तिथे नव्हता. त्यामुळे दोघांनीही हॉटेलमध्ये आणि जवळ बीचवर त्याचा शोध घेतला.
Goa Youth Death : ताई-जिजूंसोबत गोवा गाठलं, पण सकाळीच आक्रित, पुण्यात राहणाऱ्या तरुणाचा समुद्रात बुडून मृत्यू
Satara Rave Party : अश्लील चाळे आणि दारुची नशा, साताऱ्यात रेव्ह पार्टीतच राडा, डोक्यात बिअरची बाटली फोडली अन्…
सकाळी समुद्रात बुडून मृत्यू
बराच वेळ जाऊनही प्रणय कुठेच सापडत नसल्यामुळे बहीण आणि तिचे पती घाबरुन गेले. त्यांनी या ठिकाणी असलेल्या सुरक्षा जीवन रक्षकांना ही बाब सांगितली व शोध घेण्याची विनंती केली असता, काही वेळानंतर समुद्राच्या पाण्यात शोध घेण्यात आला. यावेळी प्रणयचा मृतदेह सापडला. हे दृष्य बघताच बहीण आणि जावई यांनी अक्षरशः टाहोच फोडला.
लेखकाबद्दलअनिश बेंद्रेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत | क्राईम विषयाचा ‘मास्टरमाईंड’ | सामाजिक, राजकीय आणि मनोरंजनविषयक बातम्यांमध्येही हातखंडा | एबीपी माझा, टीव्ही९ मराठीसह पत्रकारिता क्षेत्रात १० वर्षांचा अनुभव… आणखी वाचा