मंत्रिपदाची लॉटरी कोणाला? विस्तारात नव्या चेहऱ्यांना संधी; फरांदे, हिरे, ढिकले, आहेरांच्या नावांची चर्चा

राज्यातील महायुती सरकारच्या मंत्रिमंडळाचा उद्या, रविवारी (दि. १५) नागपूरमध्ये विस्तार होणार आहे. यामध्ये नाशिकमधून कोणाला संधी मिळते, याकडे आता नाशिककरांचे लक्ष लागले आहे. शिवसेना शिंदे गटाकडून दादा भुसे आणि राष्ट्रवादी अजित पवार गटाकडून छगन भुजबळ यांना संधी मिळणार असल्याचा दावा समर्थकांकडून केला जात आहे. दुसरीकडे भाजपमधून डॉ. राहुल आहेर, सीमा हिरे, देवयानी फरांदे, ॲड. राहुल ढिकले यांच्यापैकी कोणाला संधी मिळणार, याची उत्सुकता आहे. नाशिककरांना मंत्रिपदाबाबत दिलेला शब्द मुख्यमंत्री देवेंद्र फडणवीस यांनी पाळावा, अशी अपेक्षा भाजप पदाधिकाऱ्याकंडून व्यक्त केली जात आहे.