सतीश वाघ यांचा भाडेकरू अक्षय जावळकरने अन्य आरोपींना पाच लाख रुपयांची सुपारी देऊन वाघ यांचा खून केल्याचे तपासात उघडकीस आले आहे. भाडेकरू म्हणून राहताना जवळकरचे वाघ यांच्याशी वाद झाले. त्यामुळे जावळकरने खोली सोडली होती. त्यानंतर जुन्या भांडण्याच्या रागातून जावळकरने चार-पाच महिन्यांपूर्वी आरोपी पवनला वाघ यांचा खून करण्यासाठी पाच लाखांची सुपारी दिली होती.

पवनने त्याचे साथीदार नवनाथ गुरसाळे, विकास शिंदे यांनी संगनमताने खुनाचा कट रचला. सतीश वाघ नऊ डिसेंबर रोजी सकाळी सहा वाजता ‘मॉर्निंग वॉक’ला गेले होते. त्या वेळी आरोपींनी वाघ यांचे मोटारीतून अपहरण केले आणि त्यांना सासवडच्या दिशेने घेऊन गेले. त्यानंतर चाकूने वार करून, त्यांचा खून करून मृतदेह उरूळी कांचन परिसरात शिंदवणे घाटामध्ये फेकून दिला होता.