वृत्तानुसार, गडचिरोलीचे जिल्हा सत्र न्यायाधीश वसंत कुलकर्णी यांना वाय दर्जाची सुरक्षा देण्यात आली आहे. त्यांच्या सुरक्षेसाठी चार जवान तैनात असतात. जिल्हा पोलीस दलात कार्यरत असणारे पोवालदार उमाजी होळी हे देखील जिल्हा न्यायाधीश गडचिरोली यांच्या एस्कॉर्ट ड्युटीसाठी तैनात होते. दरम्यान ते गडचिरोली जिल्हा न्यायालयाच्या आवारात गाडीत बसलेले असताना त्यांच्या ताब्यात असलेली बंदुक हाताळताना त्यातून अचानक गोळ्या सुटल्या. त्यातून तब्बल ८ राउंड फायर झाले ज्यापैकी ३ गोळ्या छातीत लागल्या. यामध्ये ते गंभीर जखमी झाले. तेथे हजर असलेल्या लोकांनी त्यांना तात्काळ जिल्हा सामान्य रुग्णालयात दाखल केले. मात्र रुग्णालयात पोहोचण्यापूर्वीच त्यांचा मृत्यू झाला होता.
नागपुरात सापडला महिलेचा संशयास्पद मृतदेह, बडतर्फ पोलीस अधिकाऱ्यावर संशयाची सुई; असा झाला प्रकरणाचा उलगडा
दरम्यान याप्रकरणी पोलिसांनी सांगितले की, प्रथमदर्शनी होळी यांच्याकडून अनावधानाने गोळी झाडली गेल्याचे दिसून येते. तर घटनेचा पुढील तपास सुरु आहे.