या सगळ्यावर बहिष्कार टाकणाऱ्या शिवसेना (उबाठा) पक्षाचे आमदार आदित्य ठाकरे प्रसारमाध्यमांशी बोलताना सरकारला लक्ष्य केले. ‘आम्ही अध्यक्ष निवड आणि मंत्र्यांच्या परिचयावर बहिष्कार टाकला. कारण या मंत्र्यांचा सगळ्यांना चांगलाच परिचय आहे. वॉशिंग मशीनमधून कोण कसे आले, कोण सुरतेला, कोण गुवाहाटीला पळाले होते हे सर्व आम्हाला माहीत आहे. आम्ही विधानसभा अध्यक्षांची निवडणूकही बिनविरोध केली. मात्र, विधानसभा अध्यक्ष म्हणून जे नाव पुढे आले ते मागच्या अडीच वर्षांत घटनाबाह्य सरकार चालविण्यासाठी मदत करत होते,’ असा आरोप ठाकरे यांनी राहुल नार्वेकर यांचे नाव न घेता केला. ‘याच अध्यक्षांनी लवाद म्हणून शिवसेना आणि राष्ट्रवादी काँग्रेस फोडण्याचा जो निर्णय दिला, त्या अन्यायाची जखम ताजी आहे. त्यामुळे येत्या पाच वर्षांत त्यांच्या अध्यक्षपदाच्या कारकिर्दीत असा अन्याय पुन्हा होणार नाही, अशी आमची माफक अपेक्षा आहे. त्यासाठी त्यांच्याकडून हमी मिळणे गरजेचे आहे. गेल्या अडीच वर्षांत राज्यघटनेचा जो अपमान केला गेला तो पुन्हा होणार नाही, असे आश्वासन आम्हाला कोण देईल काय, असा प्रश्न आदित्य ठाकरे यांनी केला.

आदित्य ठाकरे यांनी बेळगावच्या मुद्यावरही आक्रमक पवित्रा घेतला. ‘कर्नाटकात कुणाचेही सरकार असो, आम्ही मराठी माणसाच्या सोबत राहू, त्यांच्यावरील अन्याय सहन करणार नाही. बेळगावला लगेच केंद्रशासित प्रदेश म्हणून घोषित केले पाहिजे, असेही आदित्य म्हणाले. मात्र, तुमच्यासोबत काँग्रेस, राष्ट्रवादी काँग्रेस हे आघाडीचे घटकपक्ष नाहीत, याकडे लक्ष वेधले असता, आम्ही इथे ठाकरे पक्ष म्हणून आहोत आणि महाराष्ट्राची भूमिका मांडत आहोत, असे उत्तर आदित्य ठाकरे यांनी दिले.
RTO: २०१९पूर्वी नोंदणी झालेल्या वाहनांसाठी आता HSRP अनिवार्य; अन्यथा होणार कारवाई, शेवटची तारीख कोणती?
विश्वासदर्शक ठराव मंजूर
मुंबई : मुख्यमंत्री देवेंद्र फडणवीस यांच्या नेतृत्वाखालील महायुती सरकारने सोमवारी विश्वासदर्शक ठराव जिंकला. हा ठराव आवाजी मतदानाने विधानसभेत मंजूर झाला. दरम्यान, ‘महाराष्ट्र हे देशातील अग्रेसर औद्योगिक राज्य असून देशाच्या एकूण स्थूल उत्पन्नामध्ये, राज्याचे १४ टक्क्यांपेक्षा अधिक योगदान आहे,’ असे सांगत ‘थेट परकीय गुंतवणुकीसह महाराष्ट्राचे प्रथम स्थान पुढेही कायम राखले जाईल’, असे प्रतिपादन राज्यपाल सी. राधाकृष्णन यांनी सोमवारी अभिभाषणात केले.
खिशात मोबाईलचा स्फोट, शिक्षकाचा जागीच मृत्यू; एक जण जखमी, गोंदियातील घटनेनं खळबळ
मंत्रिमंडळ विस्ताराबाबत चर्चा
मुंबई : मंत्रिमंडळ विस्ताराबाबत मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात रविवारी रात्री ‘वर्षा’वर बैठक पार पडली. तासभर झालेल्या या बैठकीत मंत्रिमंडळ विस्तार आणि हिवाळी अधिवेशनावर चर्चा झाल्याचे समजते. येत्या १६ डिसेंबरला विधिमंडळाचे हिवाळी अधिनेशन होणार असून, त्याआधी मंत्रिमंडळातील इतर मंत्र्यांचा शपथविधी होईल. ११ किंवा १२ डिसेंबरला हा शपथविधी होऊ शकतो, असे महायुतीमधील काही नेत्यांनी सांगितले.