साकोली तालुक्यातील सानगडी येथे शुक्रवारी आठवडी बाजार होता. सुरेश संग्रामे आणि नत्थू गायकवाड हे दोघेही या बाजारासाठी गेले होते. बाजार करून परत गावी येत असताना सिरेगाव ते सानगडी मार्गावरील केसलवाडा फाटा परिसरात सुरेश यांच्या शर्टच्या वरच्या खिशात असलेल्या मोबाइलचा अचानक स्फोट झाला. त्यामुळे त्यांच्या छातीचा काही भाग जळाला. यात त्यांचा जागीच मृत्यू झाला. तर दुचाकीवर मागे बसलेले गायकवाड हे गाडीवरून खाली पडल्याने जखमी झाले. त्यांना उपचारासाठी भंडारा येथील रुग्णालयात दाखल करण्यात आले.

मृतक संग्रामे हे गडचिरोली जिल्हा परिषदेच्या देसाईगंज-वडसा पंचायत समीतीअंतर्गत जि. प. उच्च प्राथमिक शाळा कसारी येथे मुख्याध्यापक म्हणून कार्यरत होते.
पालिका निवडणुका लवकरच! मुख्यमंत्री फडणवीस यांचे संकेत, राज ठाकरेंना सोबत घेण्याचा विचार
दरम्यान, गायकवाड यांना मोबाइल स्फोटाबाबत विचारले असता याबाबत काहीच आठवत नसल्याचे त्यांनी सांगितले. ‘मी गाडीवरून खाली पडलो. त्यानंतर काही लोकांनी मला रुग्णालयात दाखल केले,’ अशी माहिती गायकवाड यांनी दिली.
आता मंत्रिपदे, खात्यांवर खल; शिवसेनेला १०, तर ‘राष्ट्रवादी’ला सात कॅबिनेट मंत्रिपदे?
‘साकोली येथे संग्रामे यांचे शवविच्छेदन करण्यात आले. त्यांच्या छातीजवळचा काही भाग जळाला आहे. त्यांच्या अवयवाचे नमुने तपासणीसाठी पाठविण्यात आले आहेत. शवविच्छेदन अहवाल आल्यानंतरच त्यांच्या मृत्यूचे कारण स्पष्ट होऊ शकेल,’ असे पोलिसांनी सागितले.