तर आमदारकीचा राजीनामा देईन : पाचपुते

जिल्ह्यातील दहा पराभूत उमेदवारांनी इव्हीएम विरोधात भूमिका घेतली असली तरी श्रीगोंद्याचे भाजपचे आमदार विक्रम पाचपुते यांनी ठाम भूमिका घेतली आहे. ते म्हणाले, ‘निवडणूक आयोगावर माझा पूर्ण विश्वास आहे. या प्रक्रियेत काही गैरप्रकार झाल्याचे उघड झाले तर मी पदाचा राजीनामा देऊन पुन्हा प्रक्रियेला समोरे जाईन. प्रक्रियेच्या प्रत्येक टप्प्यावर उमेदवारांच्या प्रतिनिधींच्या सह्या घेतल्या जातात, त्यामुळे गोंधळाचा आरोप आता करून काहीही साध्य होणार नाही,’ असेही पाचपुते म्हणाले.