राजश्री आनंदा नलवडे (वय ४०, सध्या रा. ठाणे, मूळ रा. राशिंग, जि. बेळगाव) यांनी फिर्याद दिल्यानंतर पोलिसांनी चार तासांत छडा लावून एसटीचालकास अटक केली. सुधीर लक्ष्मण शिंदे (वय ४२, रा. समर्थगाव, जि. सातारा) असे अटकेतील चालकाचे नाव आहे. शाहूपुरी पोलिसांनी दिलेल्या माहितीनुसार, रविवारी रात्री ठाण्याहून सुटलेली एसटी सोमवारी पहाटे तीनच्या सुमारास कोल्हापुरात मध्यवर्ती बसस्थानकात पोहोचली. पुढे बेळगावला जाण्यापूर्वी चालक सुधीर शिंदे याने एसटीचा किरकोळ मेंटेनन्स करण्याचे कारण सांगून सर्व प्रवाशांना खाली उतरवले. त्यानंतर वर्कशॉपच्या दिशेला जाऊन काही वेळाने ते परत आले.
बंडखोरांची घरवापसी नकोच! भाजप निष्ठावंतांचा सामूहिक राजीनाम्याचा इशारा; पक्षाकडे अहवाल
एसटीत बसताच फिर्यादी राजश्री नलवडे यांनी पर्स तपासली. त्या वेळी पर्समधील दागिन्यांची डबी चोरीला गेल्याचे त्यांच्या लक्षात आले. त्यांनी एसटी थांबवून पोलिसांना बोलावले आणि बसची झडती घेण्याची विनंती केली. सोन्याचा हार, कुड्या, वेल, कानातील दागिने अशा आठ तोळे दागिन्यांची चोरी झाल्याची फिर्याद त्यांनी दिली. पोलिसांनी एसटीतील प्रवासी आणि वर्कशॉपमधील कर्मचाऱ्यांकडे चौकशी केली.
महत्त्वाची बातमी! राज्यात आता दुचाकीस्वासासह सहप्रवाशालाही हेल्मेटसक्ती, अन्यथा होणार कारवाई
वर्कशॉपमध्ये एसटी पोहोचल्याच्या नोंदी मिळाल्या नाहीत. कर्मचाऱ्यांनी एसटी दुरुस्तीचे काही कामही केले नव्हते. चालकाच्या बोलण्यात विसंगती जाणवत होती. पोलिसी खाक्या दाखवता त्याने कबुली दिली.