राज्याच्या विधान परिषदेकडे राज्याच्या विधान परिषदेकडे ज्येष्ठांचे सभागृह म्हणून पाहिले जाते. परंतु, गेल्या काही वर्षांपासून पक्षातील असंतुष्टांचे पुनर्वसन करण्यासाठी परिषदेचे सदस्यपद देण्यात येते. तरीही विधानसभेचा सदस्य होण्याची सुप्त इच्छा नेत्यांमध्ये असतेच. ज्येष्ठांचे सभागृह म्हणून पाहिले जाते. परंतु, गेल्या काही वर्षांपासून पक्षातील असंतुष्टांचे पुनर्वसन करण्यासाठी परिषदेचे सदस्यपद देण्यात येते. तरीही विधानसभेचा सदस्य होण्याची सुप्त इच्छा नेत्यांमध्ये असतेच.

मुंबई : विधान परिषदेतून विधानसभेच्या आखाड्यात उत्तरलेल्या नऊपैकी चार सदस्यांनी निवडणुकीत यश मिळवले आहे. विजयी झालेले चारही परिषद सदस्य महायुतीतील आहेत. त्यांच्या यशामुळे विधान परिषदेत आता अतिरिक्त चार जागाही निर्माण झाल्या आहेत. राज्याच्या विधान परिषदेकडे ज्येष्ठांचे सभागृह म्हणून पाहिले जाते. परंतु, गेल्या काही वर्षांपासून पक्षातील असंतुष्टांचे पुनर्वसन करण्यासाठी परिषदेचे सदस्यपद देण्यात येते. तरीही विधानसभेचा सदस्य होण्याची सुप्त इच्छा नेत्यांमध्ये असतेच. विधानसभा निवडणूक जाहीर झाल्यानंतर परिषदेतील नऊ सदस्यांना त्यांच्या पक्षाने तिकीट दिले होते. यातील चार सदस्यांना यश मिळाले आहे. भाजपचे प्रदेशाध्यक्ष चंद्रशेखर बावनकुळे यांनी कामठीतून निवडणूक लढवत काँग्रेसच्या सुरेश भोयार यांचा ४०,९४६ मतांनी पराभव केला. तर प्रवीण दटके यांनी नागपूर मध्य मतदारसंघातून निवडणूक लढवली होती, त्यांनी काँग्रेसच्या बंटी शेळके यांचा ११,६३२ मतांनी पराभव केला. भाजपच्या गोपीचंद पडळकर यांनी जत मतदारसंघातून काँग्रेसच्या विक्रमसिंह सावंत यांचा ३८,२४० मतांनी दणदणीत पराभव केला तर शिवसेनेचे आमश्या पाडवी यांनी अक्कलकुवातून निवडणूक लढवत काँग्रेसच्या केसी पाडवी यांचा २,९०४ मतांनी पराभव केला. राष्ट्रवादीकडून राजेश विटेकर यांना जुलै महिन्यातच परिषदेचे सदस्यत्व मिळाले होते. पाथरी मतदारसंघातून त्यांनी काँग्रेसच्या सुरेश वरपुडकर यांचा १३ हजार मतांनी पराभव केला.
रेल्वेप्रवाशांनो कृपया लक्ष द्या! पश्चिम रेल्वेवरुन सुटणाऱ्या ८३ रेल्वेगाड्यांच्या थांब्यात मोठे बदल; वाचा लिस्ट
भाजपचे राम शिंदे यांनी कर्जत-जामखेडमधून राष्ट्रवादी काँग्रेस-शप पक्षाचे विद्यमान आमदार रोहित पवार यांच्याविरोधात निवडणूक लढवली होती. यात शिंदे यांचा १,२४३ मतांनी निसटता पराभव झाला. शिवसेनेच्या भावना गवळी यांना विधान परिषदेचे सदस्यत्व जुलै महिन्यातच मिळाले होते. त्यांनी रिसोडमधून विधानसभा निवडणूक लढवली. काँग्रेसच्या अमित झनक यांनी त्यांचा १६ हजार मतांनी पराभव केला. लोकसभेत सातारा मतदारसंघातून पराभूत राष्ट्रवादी काँग्रेस-शप शशिकांत शिंदे यांना झालेल्या पक्षाच्या कोरेगाव मतदारसंघात शिवसेनेच्या महेश शिंदे यांच्याकडून ४५,०६३ मतांनी पुन्हा पराभव स्वीकारावा लागला. तर अजित पवार यांच्यासोबत गेलेले औरंगाबाद पदवीधर मतदारसंघातील आमदार सतीश चव्हाण यांनी गंगापूरमधून निवडणूक लढविण्यासाठी पक्षांतर करत राष्ट्रवादी-शप पक्षात प्रवेश केला, परंतु, भाजपच्या प्रशांत बंब यांनी त्यांचा ५,०१५ मतांनी पराभव केला.
जनतेने नाकारलेली काही लोक संसदेत गोंधळ घालतात; PM मोदींची विरोधकांवर टीका
भावना गवळी यांचे सदस्यत्व २०३० पर्यंत, शशिकांत शिंदे आणि सतीश चव्हाण यांचे २०२६ पर्यंत तर राम शिंदे यांच्या सदस्यत्वाची मुदत २०२८ पर्यंत आहे. परंतु, पराभव झाला तरीही त्यांची आमदारकी कायम राहणार आहे. परिषदेतील चार सदस्य विजयी झाल्याने सभागृहात आता या जागा रिक्त झाल्या आहेत.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा