घरातील दोन उमेदवार राहिले आहेत. लोकसभेला जो निकाल दिला त्या बाबत माझं काही म्हणणं नाही. आजपर्यंत तुम्ही नेहमी साथ दिली. तुम्ही लोकसभेला गंमत केली नाहीतर तुमची जम्मत होईल. साहेब म्हणाले मी रिटायर होणार आहे. त्यामुळे पुढचे कोण बघणार आहे हे तुम्हाला माहित आहे. मी टीका करायला गेलो तर तो आहे माझा पुतण्या. मी टीका करायला गेलो की घरातल्या घरात कसे काढायच? परत असं केलं तर नाभिक समाज नाराज होईल. महिलांना आधी पुरुष मंडळी पैसे द्यायचे आणि हिशेब मागायचे, आता हिशेब द्यायची गरज नसल्याचं अजित पवार यांनी म्हटलं आहे.

काल महिलांना ५०० रुपये आणून बसवले. त्यांना चहा नाही पाणी नाही ही बारामतीत पद्धत नाही. काम करण्यासाठी नेतृत्वात धमक असावे लागते. लोकसभेला बरेच लोक म्हणायचे लोकसभेला ताई आणि विधानसभेला दादा आता दिवस कमी राहिले आहेत. या गावात सुनेत्रा ला मते ३० टक्के आणि सुप्रियाला ६० टक्के मते होती. यावेळेस चांगल्या पद्धतीने मतदान करावं ही विनंती. पानसरे वाडीतील लोकांना जाऊन नमस्कार करावे म्हणून आलोय. मी ज्यांना पदे दिली तेच माझ्या विरोधात गेले, असे यावेळी अजित पवार म्हणाले.

दरम्यान, काही जण सांगतात मागे सुप्रियाला मत दिले आता दादांना देणार असे सांगतात. तुलना करू नाही पण, साहेबांपेक्षा माझ्या कारकिर्दीत जास्त काम झाली. असं देखील म्हटलं जातं. बघा साहेबांसोबत तुलना करतो त्यामुळे माझी सगळीकडूनच अडचण होते, असंही अजित पवारांनी सांगितलं.