टपाली मतपत्रिकेचा फोटो सोशल मीडियावर शेअर केल्याने कायदेशीर आदेशाची अवज्ञा झाली तसेच मतदानाची गोपनियता भंग झाल्यामुळे आता गणेश शिंदे यांच्यावर कायदेशीर कारवाई करण्यात आलीये. याची माहिती 185 मलबार हिल विधानसभा मतदार संघाचे निवडणूक निर्णय अधिकारी बाळासाहेब वाकचौरे यांनी दिली. सोशल मीडियावर फोटो शेअर करणे गणेश शिंदे यांच्य अंगलट आल्याचे बघायला मिळतंय.
‘फडणवीसांच्या मनातील तो डाव फसल्याने खोट्या बातम्या पसरवत आहेत’; असीम सरोदेंची गंभीर टीकामलबार हिल मतदार संघात विल्सन महाविद्यालय, नेताजी सुभाषचंद्र रोड, गिरगाव चौपाटी, चर्नी रोड मुंबई येथे पोलीस विभागातील अधिकारी व कर्मचारी यांच्यासाठी टपाली मतदानासाठी फॅसिलिटेशन सेंटर तयार करण्यात आले आहे. तिथून पोलिस अधिकारी आणि कर्मचारी आपला मतदानाचा हक्क बजावत आहेत. टपाली मतपत्रिकेच्या माध्यमातून हे मतदान करत आहेत. या सेंटरमधील मतदान केंद्र क्रमांक 3 वर सदर घटना घडली आहे.

सर्व मतदारांना मतदान केंद्रावर फोन वापरण्यास पुर्णपणे बंदी असल्याबाबत तसेच मतदारांनी त्यांचे मतदान करीत असताना पुर्णतः गोपनियता बाळगून, मतदान करावे व मतदान पुर्ण केल्यानंतर, बॅलेट मतपत्रिका व 13ए फॉर्म हा त्यासोबत असलेल्या लिफाफ्यात भरुन सदरचा लिफाफा बंद करून केवळ मतदान कक्षात ठेवलेल्या मतदान पेटीत टाकण्याबाबत सुचित केले होते. अशी माहिती मतदान केंद्राध्यक्ष प्रसन्न मधुसुदन तांबे यांनी दिली. पोलीस शिपाई गणेश अशोक शिंदे यांनी मतपत्रिकेची गोपनीयता भंग केल्याप्रकरणी गावदेवी पोलीस ठाणे, मुंबई येथे गुन्हा नोंद करण्यात आला आहे.