नमित पाटील, विरार : खाजगी सांडपाणी प्रकल्पात साफसफाई करण्यासाठी उतरलेल्या चार मजुरांचा गुदमरून मृत्यू झाल्याची धक्कादायक घटना समोर आली आहे. विरार परिसरात ही दुर्दैवी घटना घडली आहे. शुभम पारकर (वय २८), अमोल घाटाळ (वय २७), निखिल घाटाळ (वय २४), सागर तेंडुलकर (वय २९) अशी मृतकांची नावं आहेत.

विरार पश्चिमेच्या ग्लोबल सिटी परिसरात खाजगी सांडपाणी प्रकल्प आहे. सांडपाणी प्रकल्पाच्या टाकीची साफसफाई करण्यासाठी शुभम पारकर ( वय २८), अमोल घाटाळ (वय २७), निखिल घाटाळ (वय २४), सागर तेंडुलकर (वय २९) हे चार मजूर सांडपाणी प्रकल्पाच्या टाकीमध्ये उतरले होते.
पत्नीच्या रील्सला कंटाळून पतीने संपवलं आयुष्य, सरकारी कर्मचाऱ्याने निधनाआधी लाइव्ह येत सांगितलं…
सांडपाणी प्रकल्पाची टाकी २५ ते ३० फूट खोल असून साफसफाई करण्यासाठी उतरलेल्या या चार मजुरांचा श्वास गुदमरून मृत्यू झाला आहे. दरम्यान घटनेची माहिती मिळतात अग्निशमन दल आणि पोलीस प्रशासन घटनास्थळी दाखल झालं.
धक्कादायक! तरुणीने सिगारेटचा धूर तोंडावर सोडला, तरुणाने व्हिडिओ बनवला; संतापात दोघींनी मित्राच्या साथीनं युवकाला संपवलं

अग्निशमन दलाचे जवान ब्रीदिंग ऑपरेटर सेट परिधान सांडपाण्याच्या टाकीत उतरले आणि मृत मजुरांचे मृतदेह अग्निशमन दलाच्या जवानांकडून बाहेर काढण्यात यश आलं आहे. पोलिसांनी घटनास्थळाचा पंचनामा केला असून मजुरांचे मृतदेह शवविच्छेदनासाठी रुग्णालयात पाठवण्यात आले आहेत. याप्रकरणी अधिक तपास पोलीस करत आहेत.