पुणे / बारामती (मुस्तफा आतार) : १९९१ साली तुम्ही लेक म्हणून मला खासदारकीला निवडून दिले. दुसऱ्यांदा वडिलांना म्हणजे साहेबांना निवडून दिले. गेल्या तीन वेळा लेकीला निवडून दिले. सुनेकडे नेतृत्व आले की फिट्टमफाट होईल. त्यामुळे सुनेला निवडून द्या, अशा शब्दांत उपमुख्यमंत्री अजित पवार यांनी बारामतीकरांना आवाहन केले. चार दिवस सासूचे, तर चार दिवसे सुनेच असतात. सासूचे दिवस संपले आहेत. आता सुनेचे दिवस आहेत, असा टोला अजित पवार यांनी लगावला.

बारामती शहर तालुका राष्ट्रवादी काँग्रेस पदाधिकाऱ्यांची अजित पवार यांनी बैठक घेतली. त्यावेळी ते बोलत होते. शरद पवार यांनी काल, सोमवारी पुरंदर, बारामती तालुक्यातील काही भागात दौरा केला. त्यावेळी सुप्रिया सुळे यांना निवडून द्या, असे आवाहन केले. त्या पार्श्वभूमीवर,‘सुनेला निवडून दिले तर मी ही खूश होईन. तुम्ही ही खूश व्हाल,’ असे सांगताच उपस्थितांमध्ये चांगलीच खसखस पिकली.
Raj Thackeray: लोकसभेसाठी पाठिंबा देताना विधानसभेसाठी राज ठाकरेंचा महायुतीला ‘क्लिअर मेसेज’

माझी कामे त्यांच्या कार्यअहवालात

बारामती तालुक्यात गेल्या अनेक वर्षात किती आणि कोणती कामे केली याचा लेखाजोखाच अजित पवारांनी मांडला. मात्र, सुप्रिया सुळे यांनी त्यांच्या कार्यअहवालात त्या सर्व कामांचा उल्लेख केल्याचा संदर्भ दिला आहे. अजित पवारांनी सुळे यांचे नाव न घेता त्यांना टोला लगावला. ‘ विद्यमान खासदारांच्या कार्यअहवालात १०० टक्के कामे मी केली आहेत. पण त्यांनी त्यांच्या कार्यअहवालात त्यांनी केल्याचे म्हटले आहे. नगरपालिका, पंचायत समितीचे कार्यालय, माळेगाव, सुप्याचे पोलिस स्टेशन, बारामतीचे बसस्थानक, पोलिस उपअधीक्षक कार्यालयांसाठी मी निधी दिला आहे,’ असे सांगून विविध कामांची यादीच त्यांनी वाचून दाखविली. रोजगाराच्या संधी उपलब्ध करण्यासाठी नमो रोजगार मेळावा घेतला’, त्यावर टीका केली, असे सांगताना ‘एवढा मोठा रोजगार मेळावा घेतला फक्त दहा हजार जणांना रोजगार दिला,’ अशा शब्दांत सुप्रिया सुळे यांची अजितदादांनी नक्कल केली. ‘अरे, आपण कधी मेळावा घेतला का? एक हजार जणांना तरी रोजगार दिला का,’ अशी टीका सुळे यांच्यावर केली.

पवारांचे गुणसूत्र माझ्या रक्तात
महादेव जानकर यांना आम्ही परभणीतून उमेदवारी दिली. त्यांना गळाला लावण्याचे प्रयत्न इथे सुरु होते. परंतु त्यांच्या गळाला मासा अडकण्यापूर्वीच आम्ही अलगद मासाच आमच्याकडे घेतला. अहो, माझ्या रक्तात पण पवारांचेच गुणसूत्र आहेत. शेवटी ज्या गावच्या बोरी त्याच गावच्या बाभळी, अशा शब्दांत अजित पवार यांनी शरद पवारांवर निशाणा साधला.
Raj Thackeray: राज ठाकरेंचा नरेंद्र मोदींना बिनशर्त पाठिंबा, मनसैनिकांनी विधानसभेच्या तयारीला लागण्याचे आदेश

भावनिक होवू नकाविकासासाठी केंद्राचा पैसा मतदारसंघात आणण्यासाठी मला खासदारकी पाहिजे. आता कधी नव्हे त्यांच्याकडून कार्यकर्त्यांना फोन केले जात आहेत. हेच कार्यकर्ते त्यांच्यापुढे उभे केले, तर त्यांना नावे तरी सांगता येतील का? अशा शब्दांत अजितदादांनी सुप्रिया सुळे यांच्यावर टीका केली.