अमोल सराफ, बुलढाणा : विद्यमान शिवसेना खासदार आमच्या नेत्यांना मानसन्मान देत नाही, असे कारण सांगून बुलढाणा भाजपने प्रतापराव जाधव यांचा प्रचार करण्यास नकार दिला आहे. हे थोडे म्हणून की काय आता एकनाथ शिंदे यांच्या नेतृत्वाखालील शिवसेना पक्षाचे आमदार संजय गायकवाड यांनी थेट लोकसभेसाठी अर्ज दाखल केला आहे. शिवसेनेच्या, महायुतीच्या वतीनेच मी अर्ज दाखल केलाय. मी अर्ज दाखल करावा, अशी माझ्या कार्यकर्त्यांची आणि जनतेची इच्छा होती. मला कुणीही वरिष्ठ नेत्याने अर्ज दाखल करण्यास सांगितले नाही, असे संजय गायकवाड यांनी सांगितले.बुलढाणा जिल्ह्यात महायुतीत गटबाजीला उधाण आले आहे. गुरुवारी सायंकाळी एकनाथ शिंदे यांच्या नेतृत्वाखालील शिवसेनेच्या ८ उमेदवारांची यादी घोषित होणार आहे. यामध्ये बुलढाण्याचे विद्यमान खासदार प्रतापराव जाधव यांचे नाव अंतिम समजले जात असताना त्याआधीच संजय गायकवाड यांनी उमेदवारीचा अर्ज भरला.
खंजीर खुपसणाऱ्या हातावर संजय राऊत लिहिलं, अकोल्यात पाडण्याचा प्लॅन, प्रकाश आंबेडकरांचं ट्विट

मी अर्ज दाखल करावा, अशी माझ्या कार्यकर्त्यांची आणि जनतेची इच्छा होती. मला वरून आदेश वगैरे काही नाही. मुख्यमंत्र्यांचा फोन आलेला होता. तो नेहमी येतो. माझा अर्ज शेवटपर्यंत असेल की नाही हे आत्ताच निश्चित सांगता येणार नाही. शिवसेनेच्या, महायुतीच्या वतीनेच मी अर्ज दाखल केलाय पण पक्षाचा एबी फॉर्म नाहीये. परंतु असे असले तरी मुख्यमंत्र्यांचा शब्द माझ्यासाठी अंतिम असेल, असे सांगत माघारीचे संकेतही त्यांनी यावेळी दिले.
शिंदेंच्या शिवसेनेच्या उमेदवार यादीला अखेर मुहूर्त, आठ जणांची नावं होणार जाहीर, कुणाला संधी?

प्रतापराव जाधव यांची उमेदवारी आपल्याला मान्य नाही का? त्यांना तुमचा विरोध आहे का? या प्रश्नाला उत्तर देताना गायकवाड म्हणाले, “माझा कुणाच्याही उमेदवारीला विरोध नाही. त्यांना उमेदवारी मिळेल की नाही, याची भविष्यवाणी मी करू शकत नाही.”
बुलढाण्यात महायुतीत फूट; उमेदवारी जाहीर होण्याआधीच भाजप पदाधिकारी नाराज, शिंदे गटावर थेट आरोप

भाजपचा आक्रमक पवित्रा, एकनाथ शिंदे यांची डोकेदुखी वाढली

आपल्या नेत्यांना सन्मान दिला जात नाही, त्यामुळे बुलढाणा लोकसभेसाठी खासदार प्रतापराव जाधव यांना तिकीट मिळाल्यास आम्ही त्यांचे काम करणार नाही, असा थेट इशारा भाजप पदाधिकाऱ्यांकडून देण्यात आला आहे. लोकसभा निवडणुकीच्या पार्श्वभूमीवर भारतीय जनता पार्टी, शिवसेना एकनाथ शिंदे गट आणि राष्ट्रवादी काँग्रेस अजित पवार गट (NCP) या महायुतीच्या घटक पक्षांची बैठक आणि मेळावा आयोजित करण्यात आला होता. मेळाव्यात बुलढाणा जिल्ह्यातील भाजप आमदार श्वेता महाले आणि आमदार आकाश फुंडकर यांना भाजपच्या पदाधिकाऱ्यांना डावलण्यात आल्याचा आरोप करण्यात आला होता. यावरूनच महायुतीतील बेबनाव समोर आला होता.