पुणे: तुकाराम महाराज बीजच्या निमित्ताने देहूगाव येथे येणाऱ्या भाविकांसाठी पुणे महानगर परिवहन महामंडळाने (पीएमपी) २६ ते २८ मार्च दरम्यान १२५ विशेष बस सोडण्याचा निर्णय घेतला आहे. शहरातील वेगवेगळ्या सात डेपोमधून देहूगावसाठी बस सोडल्या जाणार आहेत.
मोठी बातमी : एन्काऊंटर स्पेशालिस्ट माजी पोलिस अधिकारी प्रदीप शर्मा यांना जन्मठेप
यंदा तुकाराम बीज ही २७ मार्च रोजी आहे. तुकाराम बीजसाठी संत तुकाराम महाराज यांच्या दर्शनासाठी शहर आणि उपनगरातून देहूगाव येथे येणाऱ्यांची संख्या मोठी असते. त्यामुळे प्रत्येक वर्षी पीएमपीकडून जादा बस देहूगावसाठी सोडल्या जातात. नियमित सध्या देहूगावसाठी २५ बस सोडण्यात येतात. त्याबरोबच आता विशेष १२५ बस सोडण्याच निर्णय पीएमपीने घेतला आहे. देहूगाव येथे भाविकांची मोठी होत असल्यामुळे पीएमपीकडून दोन बस स्थानक उभे करण्याचा निर्णय घेतला आहे.झेंडे मळ्याजवळील मिलिटरीच्या मोकळ्या जागेत पीएमपीकडून तात्पुरते बस स्थानक उभारण्यात येणार आहे. तर, देहूगाव व आळंदी दर्शना करिता जाण्यासाठी देहू-आळंदी रस्त्यावर गाथा परिसरातील जगदगुरू संत तुकाराम महाराज क्रिडांगणजवळील मैदानातून काही बस सोडण्यात येणार आहेत. या बसना नियमित तिकीट दर असणार आहे. तरी सर्व भाविकांनी पीएमपीच्या सेवेचा लाभ घ्यावा, असे आवाहन पीएमपी प्रशासनाने केले आहे.

जादा बसची व्यवस्था केलेले स्थानक आणि मार्ग
स्वारगेट ते देहूगाव, मनपा भवन ते देहूगाव, मनपा भवन ते आळंदी, देहूगांव ते आळंदी, स्वारगेट ते आळंदी, पुणे स्टेशन ते देहूगांव, निगडी ते देहूगाव, हडपसर ते आळंदी
देहूगाव आणि आळंदीसाठी नियमित बस- २५
तुकाराम बीज निमित्ताने विशेष बस – १२५
देहूगाव आणि आळंदीसाठी बस सोडण्यात येणारी स्थानके – आठ