पुणे : देशभरात लोकसभा निवडणुकीला अवघे काही दिवसच शिल्लक असताना महाराष्ट्रातील पुणे आणि बारामती हे दोन लोकसभा मतदारसंघ सध्या राज्यभर चर्चेत आहेत. बारामतीमध्ये सुप्रिया सुळे विरुद्ध सुनेत्रा पवार अशी थेट लढत होण्याची दाट शक्यता आहे. त्यासाठी उपमुख्यमंत्री अजित पवार यांचं संपूर्ण कुटुंब बारामतीच्या मैदानात उतरल्याचं पाहायला मिळत आहे. अजित पवार यांचे धाकटे चिरंजीव जय पवार हे बारामती लोकसभा मतदारसंघात मॅरेथॉन बैठका आणि दौरे करत आहेत.
आज जय पवार यांचा वाढदिवस असल्याने त्यांचा पुण्यात राष्ट्रवादी काँग्रेस पक्षातर्फे सत्कार आणि अभिष्टचिंतन सोहळा आयोजित करण्यात आला होता. या कार्यक्रमाला पुणे शहरातील राष्ट्रवादी काँग्रेसचे सर्वच नेते, कार्यकर्ते आणि पदाधिकारी उपस्थित होते. इतकंच नाही तर महायुतीचे घटक पक्ष असणारे भाजपचे शहराध्यक्ष धीरज घाटे यांनी देखील स्वतः उपस्थित राहून जय पवार यांना शुभेच्छा दिल्या.
उद्धव साहेब, तुमच्यासाठी लिफ्ट खाली करु, प्रसाद लाड यांच्या कानपिचक्या; माझा अख्खा पक्ष खाली केलात, ठाकरेंचा टोला
हा कार्यक्रम सुरू असताना जय पवार यांनी भेटीगाठी दरम्यान ‘आधी बारामतीचे उरकतो मग पुण्यातच आहे’ असं म्हणत बारामतीनंतर आता पुण्यात ऍक्टिव्ह राजकारणात उतरण्याचे संकेत दिले आहेत. सध्या बारामती लोकसभा मतदारसंघात जय पवार यांनी बैठका आणि कार्यक्रमांचा धडाका लावला आहे. विद्यमान खासदार सुप्रिया सुळे यांच्या विरोधात सुनेत्रा पवार यांचा थेट सामना होत असल्याने जय पवार हे बारामती लोकसभा मतदारसंघात जोरदार प्रचार करत आहेत. अजित पवार यांचे मोठे चिरंजीव पार्थ पवार हे सध्या ॲक्टिव पॉलिटिक्स मध्ये थोडे मागे पडत असल्याने जय पवार यांनी प्रचाराची धुरा आपल्या खांद्यावर घेतली आहे.
Read Latest Maharashtra News Updates And Marathi News
फक्त बारामतीच नाही तर जय पवार यांनी आता पुण्यात देखील लक्ष घालायला सुरुवात केली आहे. त्याचनुसार जय पवार यांनी आपल्या वाढदिवसाचा कार्यक्रम पुण्यात घेतल्याची चर्चा आहे. या संदर्भात राष्ट्रवादी काँग्रेसचे शहराध्यक्ष दीपक मानकर यांनी म्हटलंय की, जय पवार हे फक्त पुणे किंवा बारामती पुरते मर्यादित नेते नसून ते महाराष्ट्राचे युवा नेतृत्व आहे. ते आपल्या वाढदिवसाचा कार्यक्रम राज्यात कुठेही घेऊ शकत होते. मात्र त्यांचं पुण्यावर विशेष प्रेम असल्याने त्यांनी पुण्यात हा कार्यक्रम घेतला आहे. त्यामुळे आता मिशन बारामती नंतर जय पवार पुण्यामध्ये सक्रिय होण्याचे चिन्ह आहेत.