म. टा. प्रतिनिधी, नाशिक : राज्य पोलिस दलातील १२९ पोलिस निरीक्षक, ७३ सहायक निरीक्षक आणि २१२ उपनिरीक्षकांच्या बदल्यांचे आदेश निर्गमित करण्यात आले आहेत. त्यामध्ये नाशिक शहरातील दहा निरीक्षक, बारा सहायक निरीक्षक, एकोणवीस उपनिरीक्षकांचा समावेश आहे. या एक्केचाळीसपैकी सर्वाधिक अधिकाऱ्यांची ठाणे शहरात नियुक्ती करण्यात आली आहे. त्यामुळे नाशिकमधून ठाणे शहरात कर्तव्य बजावण्यास अधिकाऱ्यांनी पसंती दिल्याचे दिसते.

पोलिस महासंचालक कार्यालयातील आस्थापना विभागाचे अपर पोलिस महासंचालक संजीव कुमार सिंघल यांनी राज्यातील अधिकाऱ्यांच्या बदल्यांचे आदेश निर्गमित केले आहेत. आगामी लोकसभा निवडणुकीच्या पार्श्वभूमीवर हे बदल करण्यात आले आहेत. त्यानुसार नाशिक शहर गुन्हे शाखा एकचे निरीक्षक अनिल शिंदे, अभियोग कक्षाचे राजू पाचोरकर, गुन्हे दोनचे विजय पगारे, आर्थिक गुन्हे शाखेचे नितीन पगार, बाबासाहेब दुकळे, गणेश न्याहदे, विशेष पथकाचे पंकज भालेराव यांची ठाणे शहरात तर श्रीकांत निंबाळकर यांची पुणे शहर यासह तुषार अढावू व पवन चौधरींची छत्रपती संभाजीनगरात बदली करण्यात आली आहे.

दरम्यान, पिंपरी चिंचवडचे संजय तुंगार यांची ‘एमपीए’, पिंपरी चिंचवडचे बडेसाब नाईकवाडे, पुण्यातील जयराम पायगुंडे, अंकुश चिंतामण, जगन्नाथ जानकर, ठाणेतील समाधान चव्हाण, श्रीनिवास देशमुख, छत्रपती संभाजीनगरातील आम्रपाली तायडे, गणेश ताठे, अशोक गिरी, सुशील जुमडे या सर्वांची नाशिक शहर आयुक्तालयात बदली करण्यात आली आहे.
Instagramवर मैत्री, गिफ्ट अन् ५ लाख स्वाहा, उच्चशिक्षित तरुणाची अशी झाली फसवणूक, काय घडलं?
– पुन्हा ‘प्रभारी’ बदलणार; १२ ‘पीआय’ बाहेरून दाखल
– गुन्हे शाखा १, गुन्हे शाखा २, विशेष शाखेत कोणाची वर्णी?
– जानेवारीत संबंधित अधिकाऱ्यांची आयुक्तालयांतर्गत बदली
– दोन महिन्यांत तिसऱ्यांदा बदल्या; नियमांचे तंतोतंत पालन
– ‘अकार्यकारी’ पदावरील अधिकाऱ्यांची समीकरणे बदलणार

तीन ‘एपीआय’ नियुक्त

नाशिक शहरातील सहायक निरीक्षक (एपीआय) अनिल जगताप, वसंत खतेले, विष्णू भोये, प्रकाश गिते, प्रमिला कावळे, संजय बिडगरांची ठाणे शहर, तर शंकरसिंग राजपूतांची छत्रपती संभाजीनगर, विनायक अहिरेंची पुणे शहर, साजिद मन्सुरी व किशोर खांडवींची मुंबई शहर तसेच यासह छाया देवरे व सुवर्णा हांडोरेंची लाचलुचपत प्रतिबंधक विभागात नियुक्ती केली आहे. पिंपरी चिंचवडच्या स्वप्नाली पलांडे, पुण्यातील निखील पवार, बापू रायकरांची नाशिक शहरात नियुक्ती करण्यात आली आहे.

पंधरा उपनिरीक्षक दाखल

नाशिक शहरातील पोलिस उपनिरीक्षक भूषण देवरे, धनश्री पाटील, अपेक्षा जाधव, संजय भिसेंची ठाणे शहर तर रामदास भरसट, ज्ञानेश्वर शेळके, हसन सैय्यद, विलास मुंढे, उत्तम सोनवणे, प्रियंका बागुल, अनिल पाडेकरांची पुणे शहर, अश्विनी उबाळे, नाईद शेख, प्रकाश कातकाडेंची पिंपरी चिंचवड, लियाकखान पठाण यांची छत्रपती संभाजीनगर, सूर्यकांत सोनवणे कोकण परिक्षेत्र, बाळू वाघ, वैशाली मुकणे व नारायण गोसावींची नाशिक परिक्षेत्रात बदली झाली आहे. छत्रपती संभाजीनगरातील शेख निसार शरीफ, कैलास जाधव, इनकसिंग घुणावत, संदीप शेवाळे, मुक्तेश्वर लाड, मयूर निकम, शेषराव चव्हाण, युवराज शिरसाठ, गजानन इंगळे, उद्धव हाके, सुनील चव्हाण, प्रभाकर सोनवणे, रोहित गांगुर्डे यासह पुणेतील माया गावडे, अजित शिंदेंची नाशिक शहरात नियुक्ती करण्यात आली आहे.