लोणावळा, पुणे: मुंबई-पुणे यशवंतराव चव्हाण द्रुतगती मर्गावर ओझरडे गावच्या हद्दीत मुंबईवरून पुण्याला येताना पहाटेच्या सुमारास चारचाकी प्रवासी कार चालकाने मालवाहू कंटेनरला मागून दिली जोराची धडक दिली. या अपघातात दोघांचा जागेवर मृत्यू झाला आहे. तर पाच जण गंभीर जखमी झाले आहेत. अपघातग्रस्त कारमधून सात जण प्रवास करत होते.
मयुरी थोरात आणि सुनील थोरात अशी मृत पावलेल्यांची नावे आहेत. तर अक्षय थोरात, दत्तात्रय थोरात, तेजल थोरात, श्रद्धा थोरात, आणि राजीव थोरात ही गंभीर जखमी झालेल्यांची नावे आहेत.
थोरात कुटुंबातील सात जणांचा कारमधून प्रवास
याबाबत पोलिसांनी दिलेली माहिती अशी की, थोरात कुटुंबीय मुंबईवरून पिंपरी-चिंचवडच्या दिशेने निघाले होते. मात्र, एक्स्प्रेस वेवरील कामशेत बोगदा क्रॉस केल्यावर गाडी पुढे नेण्याच्या नादात कारने कंटेनरला मागून धडक दिली. हा अपघात इतका भीषण होता की, यामध्ये कारचा चक्काचूर झाला. तर या कारमध्ये सात प्रवासी प्रवास करत होते. त्यापैकी दोघांचा जागीच मृत्यू झाला, तर पाच जण गंभीर जखमी झाले आहेत. जखमींना सोमाटणे फाट्यावरील पवना हॉस्पिटलमध्ये दाखल करण्यात आलं असून शिरगाव परंदवाडी परिसरात हा अपघात झाला आहे. या अपघातामुळे थोरात कुटुंबावर शोककळा पसरली.
थोरात कुटुंब हे पिंपरी चिंचवड येथील राहणारे होते. अचानक झालेल्या अपघाताने थोरात कुटुंबावर दुःखाचा डोंगर पसरला असून पोलिसांकडून अधिक तपास केला जात आहे. पुणे-एक्स्प्रेसवे वर अपघाताचे प्रमाण वाढत असून ओव्हरटेक करण्याच्या नादात हा अपघात झाला आहे.