म. टा. वृत्तसेवा, जुन्नर : शिवनेरीवर विविध मान्यवर व मंत्र्यांच्या आगमनानंतर सर्वसामान्य शिवभक्तांना गडावरील प्रवेश बंद करून अनेक तास थोपविण्याचा प्रकार यंदा मोडीत निघणार आहे. शिवजन्मस्थळाच्या उत्तरेला अभिवादन सभेचा मंडप उभारण्यात आला असून, त्यामुळे सभा सुरू असताना शिवजन्मस्थळी सामान्य शिवभक्तांच्या येण्यास फारसे निर्बंध राहणार नाहीत. पोलिस आणि महसूल प्रशासनाने प्रथमच शिवनेरीवरील अभिवादन सभेचे ठिकाण बदलल्याने सर्वसामान्य शिवभक्तांमधून समाधान व्यक्त होत आहे.

दरम्यान, शिवजन्मोत्सव सोहळ्यासाठी मुख्यमंत्री एकनाथ शिंदे, उपमुख्यमंत्री अजित पवार आणि देवेंद्र फडणवीस उपस्थित राहणार आहेत. गडावरील शिवजन्मोत्सव सोहळ्याचा कार्यक्रम मराठा सेवा संघाच्या वतीने होणार असून, शासकीय मानवंदना, मर्दानी खेळ; तसेच शिवचरित्रावरील प्रबोधनात्मक पोवाड्याचे सादरीकरण शाहीर राजेंद्र सानप करणार असल्याची माहिती मराठा सेवा संघाचे तालुकाध्यक्ष गणेश महाबरे यांनी दिली.
लेणी पर्यटनासाठी आलेल्या पर्यटकांवर मधमाशांचा हल्ला, ७० जणांवर प्राथमिक उपचार

२८ ठिकाणी पार्किंगची सुविधा

शिवनेरीवर येणाऱ्या भाविकांच्या वाहनांच्या पार्किंगसाठी जुन्नर शहरात २८ ठिकाणी पार्किंगची व्यवस्था करण्यात आली आहे. शिवभक्तांची याच ठिकाणी आपली वाहने लावावीत, असे आवाहन करण्यात आले आहे.
विलासरावांच्या आठवणीत रितेशला रडू कोसळलं, हुंदके देत देत भाषण, अमित देशमुखांनी सावरलं

हजारावर पोलिसांचा बंदोबस्त

कायदा व सुव्यवस्थेचा प्रश्न निर्माण होऊ नये, यासाठी चोख पोलिस बंदोबस्त ठेवण्यात आला आहे. तीन अतिरिक्त आयुक्त, नऊ उपविभागीय पोलिस अधिकारी, ४० पोलिस निरीक्षक, १०० सहायक पोलिस निरीक्षक, ८०० पुरुष हवालदार, १५० महिला हवालदार यांच्यासह राज्य राखीव दलाच्या दोन तुकड्या, दंगल नियंत्रण पथकाच्या दोन तुकड्या आणि ३०० होमगार्ड शिवनेरी आणि जुन्नर परिसरात बंदोबस्तासाठी नियुक्त केले असल्याची माहिती जुन्नरचे उपविभागीय पोलिस अधिकारी रवींद्र चौधर यांनी दिली.
अमितभैय्या तुमच्याकडून महाराष्ट्राच्या अपेक्षा, आता वेळ आलीये-पाऊल टाका : रितेश देशमुख

शिवदर्शनासाठी एकेरी मार्ग

शिवरायांच्या जन्मस्थळाचे दर्शन घेण्यासाठी शिवभक्तांना शिवनेरीवर एकेरी मार्गाने येता येईल. शिवभक्तांना शिवकुंज इमारतीसमोरील गेटमधून आत येता येईल. पुढे जुन्या सदरेला वळसा घालून शिवजन्मस्थळाला अभिवादन करता येईल. यानंतर प्रदक्षिणा मारून दुसऱ्या बाजूने बाहेर पडता येणार आहे. गडावरील विविध दरवाजांच्या ठिकाणी एलइडी स्क्रीनची व्यवस्था करण्यात आली आहे. गडावर मंत्र्यांचे आगमन झाल्यावर शिवजन्मोत्सव सोहळा होईपर्यंत काही काळ शिवभक्तांना दर्शनमार्गावर थांबवले जाईल. यानंतर दर्शन सुरळीत सुरू होईल.
काका पुतण्या नातं काँग्रेसला धार्जिणं, विनोदी पण तितकंच विचार करायला लावणारं जयंतरावांचं भाषण

हिंदवी महोत्सवाची रेलचेल

राज्य सरकारच्या वतीने आयोजित हिंदवी महोत्सवाचा भाग म्हणून साहसी खेळ, दुर्ग वॉकेथॉन, विविध स्पर्धा, पॅराग्लायडिंग, टेंट सिटी, खाऊ गल्ली, बचत गटांचे स्टॉल उभारण्यात आले असून, शिवभक्तांसाठी आनंदपर्वणी उपलब्ध झाली आहे.